Aankh ban jati hai saawan ki ghata shaam k baad

Arts & Culture Poetry ( Intikhaab & Sho'ra-e-Gupshup)
1

Aankh ban jati hai saawan ki ghata shaam k baad

Aankh ban jati hai saawan ki ghata shaam k baad
laut jata hai agar koi khafa shaam k baad

woh jo tal jaati rahi sar se bala shaam k baad
koi to tha k jo deta tha dua shaam k baad

aahein bharti hai shab-e-hijr yateemo’n ki tareh
sard ho jati hai har roz hawa shaam k baad

shaam tak qaid raha kartay hain dil k andar
dard ho jatay hain saray hi riha shaam k baad

log thak haar kar so jatay hain lekin jaana’n
ham nay khush ho kay tera dard saha shaam k baad

shaam se pehlay talak laakh sulayein rakhein
jaag uth_ti hai muhabbat ki ana shaam k baad

khuwaab takra kay palat jaatay hain band aankhon se
jaanay kis jurm ki kisko hai saza shaam k baad

chaand jab ro kay sitaaro’n se galay milta hai
ik ajab rang ki hoti hai fiza shaam k baad

ham ne tanhai se poocha k milogi kab tak
usne bechaini se forun ki kaha, shaam k baad

main agar khush rahoon phir bhi meray seenay main
sogwaari koi roti hai sada shaam k baad

tum gaye ho to siyah rang k kapray pehnay
phirti rehti hai meray ghar main qaza shaam k baad

laut ati hai meri shab ki ibaadat khali
janay kis arsh par rehta hai khuda shaam k baad

din ajab muthi main jakray huway rakhta hai mujhay
mujhko is baat ka ehsaas huwa shaam k baad

koi bhoola huwa gham hai jo musalsal mujhko
dil k paataal se deta hai sada shaam k baad

maar deta hai ujarjaanay ka dohra ehsaas
kaash ho koi kisi se na juda shaam k baad

Farhat Abbas Shah

2

Xcellent !

Thanks for sharing the complete ghazal !

3

Very Nice :)

4

:k: one of my fav. :k:

thx mano

5

bohat khooob :k:

thanko for sharing :slight_smile:

6

nice one :k:

7

wow very nice:k:

8

Thanx Aarif Jee, Gul-e-Tasbeeh, Heart Hacker, Chand_Chehra, guybrush n ghazal kisi ki :)

9

Re: Aankh ban jati hai saawan ki ghata shaam k baad

Impressing :k:

10

buht khob mano billi :crying:

11

:k:
:slight_smile:

12

Re: Aankh ban jati hai saawan ki ghata shaam k baad

wah ji wah:k: