**Aakhri baar milo aaise k jalte hue dil
Raakh ho jaayen, koi aur taqaaza na karein
Chaak-e-waada na sile , zakhm-e-tamanna na khile
Saans hamvaar rahe, shamma ki lau tak na hile
Baatein bas itni k lamhe unhein aa kar gin jaayen
Aankh utthaaye koi tamnna to aankhein chin jaayen
Is mulaqaat ka is baar koi wehm nahi
Jis se ik aur mulaqaat ki soorat nikle
Ab na haijaan o junoo.N ka na hikayaat ka waqt
Ab na tajdeed-e-wafa ka na shikayaat ka waqt
Lutt gaee shehr-e-havaadis mein mataa’-e-alfaaz
Ab jo kehna hai to kaise koi noha kahiye
Aaj tak tum se rag-e-jaa.N k kaee rishte they
Kal se jo hoga usey kaun sa rishta kahiye
Phir na dehkein ge kabhi aariz o rukhsaar, milo
Maatami hain dam-e-rukhsat dar o deewaar, milo
**
**Phir na ham honge, na iqraar, na inkaar, milo
Aakhri baar milo… **