tullu-e-shams-e-mufarqat hay
puranee kirneen nay makanon kay aanganon main laraz rahee hain
fasel-e-shahar-e-vafa kay rozan chamaktay zaron say bhar gay hain
gayee dinon ke aziz bateen,nigar subheen,gulab rateen
bisat-e-dil be ajeeb shay hay,hazar jeeten hazar mateen
judayoon ke havayeen lamhoon ke khushk matee urra rahee hain
gayee rutoon ka malal kab tak
chalo kay shakheen to tootte heen
chalo kay qabroon pay khoon rounay say
apnee aankhen he phot-te heen
ye mour vo hay jahan say meray tumharay raastay badal gay hain
puranee rahoon ko lotna be mere taqdeer main naheen
kay raastay be meray qadmoon kay sath aagay nikal gay hain
tullu-e-shams-e-mufarqat hay
tum apnee aankhon main jhilmilatay hoay sitaroon ko mout day do
gayee rutton kay tamam pholon tamam kharoon ko mout day do
naye safar ko hayat bakhsho
kay pichlee rahoon pay sabt jitnay naqsh-e-pa hain
vo gubbar hon gay
hava urra-ay kay tum urrao
*
Amjad Islam Amjad
…