kehta Raha Na Suno Tum meri Dastaa’n
Sun kar Tum Bhi Raho Gay preshaa’n
Kiun Thaama tha Mera Haath, gar jo tu nay
chor kar jana tha mujhay mehroomiyon kay darmiya’n
Mohabbat kay geet ab na sunaa paaon ga
Meray Lafz tou hain meri Nafraton kay Tarjumaa’n
Phir raha hoon main tanhaaion kay sehra mai
Janay kab ho ga Qimsat mai KOi saaiba’n
dabbay paaaon aakar loat jatay hain jo
chor jatay hain dil pay qadmo kay nishaa’n
Rooh Kheench kar ,badan ko tarapta dekhtay hain
Aesay Tamashai hotay hain apnay hi meharbaa’n
jin ki zaat mukamil hotee thee Asif kay wajood say
aaj wo hi samjhtay hain Mujhay Adhoora insaa’n