jalataa phirataa hooN kyoN do-paharoN meiN
jaane kyaa cheez kho gai meri
wahiN phirtaa hooN main bhi Khaak ba-sar
is bhare shahar mein hai aik galli
chhupta phirta hai ishq duniyaa se
phailati jaa rahi hai rusvaai
ham_nashiN kyaa kahppN ke vo kyaa hai
chhoR ye baat neend uRane lagi
aaj to vo bhi kuchh Khaamosh saa thaa
maiN ne bhi us se koi baat na ki
aik dam us ke haath choom liye
ye mujhe baiThe baiThe kyaa soojhi
tu jo itanaa udaas hai ‘Nasir’
tujhe kyaa ho gayaa bataa to sahii