Farhina
1
Aaj to bay sabab udaas hai ji
ishQ hotaa to ko’ie baat bhi thi
jalta phirta hooN kiyooN do-pehrooN maeN
jaanay kiaa cheez kho ga’ie maeri
vaheeN phirtaa hooN maiN bhi Khaak ba-sar
is bharay shehr maeN hai aek gali
chuptaa phirta hai ishQ dunyaa say
phailti jaa rahi hai rusvaa’ie
ham-nasheeN kiaa kahooN keh voh kiaa hai
choR yeh baat neeNd uRnay lagi
Aaj to voh bhi kuch Khamosh sa thaa
maiN nay bhi us say ko’ie baat na ki
aek dam us kay haath choom li’yay
yeh mujhay baiThay baiThay kiaa soojhi
too jo itnaa udaas hai ~Naasir~
tujhay kiyaa ho gayaa bataa to sahi
tum merii aa.Nkh ke tevar na bhulaa paaoge
a.nkahii baat ko samajhoge to yaad aauu.Ngaa
ham ne Khushiyo.n kii tarah dukh bhii ikaTThe dekhe
safaah-e-ziist ko palaToge to yaad aauu.Ngaa
isii a.ndaaz me.n hote the muKhaatib mujh se
Khat kisii aur ko likhoge to yaad aauu.Ngaa
sard raato.n ke mahakate hu_e sannnaaTo.n me.n
jab kisii phuul ko chuumoge to yaad aauu.Ngaa
ab tere ashk mai.n ho.nTho.n se churaa letaa huu.N
haath se Khud i.nhe.n po.nchhoge to yaad aauu.Ngaa
shaal pahanaa_egaa ab kaun disambar me.n tumhe.n
baarisho.n me.n kabhii bhiigoge to yaadd aauu.Ngaa
aaj tuu mahafil-e-yaaraa.N pe ho maGaruur bahut
jab kabhii TuuT ke bikharoge to yaad aauu.Ngaa
haadase aaye.nge jiivan me.n to tum hoke niDhaal
kisii diivaar ko thaamoge to yaad aa_uu.Ngaa
is me.n shaamil hai merii baKht kii taariikii bhii
tum siyaah rang jo pahanoge to yaad aauu.Ngaa
nice! :)
but bina sabab udaas mat hua karo! :(
Very Nice Farhina sis Thanks for sharing:)
Farhina
10
THANK YOU
GuL-e-Tasbeeh.
guybrush.
SaaHiL_Kinaara.
saby.
Sandleen.
SunnyBoy ( MY LIL NEPHEW:).