Aainon mein aks naa ho to hairat rehti hai
jaisay khali aankhon mein wahshat rehti hai
her dam duniya ke hangamay gheray rekhtay they
jab sey teray dehan lagay hain, fursat rehti hai
kerni hai to khul ke karo, inkaar-e-wafa ki baat
baat adhoori rah jaaye to hasrat rehti hai
shehre sukhn mein aisa khuch ker,izzat ban jaye
sub khuch mitti ho jata hai ,izzat rehti hia
bantay bantay deh jaati hai dil ki her tameer
khwahish ke behroop mein shayad kismat rehti hai
saaye laraztay rehtay hain shehron ki gulyon mein
rehtay thay insaan jahaan ab wehshat rehti hai
mausam koi khusboo ley ker aatay jaatay hain
her pal dehan dareechay mein ik surat rehti hai
chaap koi jo mur jaati hai dil darvazat sey
kaya kiya ham ko raat gaye tak wahshat rehti hai
dehan mein mela saa lagta hai beeti yaadon kaa
aksar us ke gham sey dil ki suhbat rehti hai
phoolon ke takhti pay jaisay rangon ki tehreer
loh-e-sukhn per aisay Amjad shurat rehti hai
