[RIGHT]آگہی، کہ دہشت ہے
آگہی بکھیڑا ہے
آگہی کے دَر ہیں جو
بے بسی کے گھر ہیں وہ
قرض ہے یہ جاں کاری
جو اَدا نہیں ہوتا
دَرد، سوچ کی یاری ہے
جو بَھلا نہیں ہوتا
رُوحِ وقت پر لوگو
زخم تو بَلا کے ہیں
ہر سُو ناچتے پھرتے
سائے اِبتلا کے ہیں
دائرے اَلم کے یوں
راستہ اَزل سے ہیں
ماہِ فکر پہ چھایا
کس قدر اندھیرا ہے
تختِ ہوش پر بھی یاں
دہر کا اَجارہ ہے
سوچ کے گھروں میں تو
ضبط کا بسیرا ہے
ضبط پار کرتے ہی
آنسوؤں کا ڈیرہ ہے
جو اگر اُبل جائیں
ہستیاں مِٹا ڈالیں
بستیاں جلا ڈالیں
نامِ خُرد پہ جلتی
بتیاں بُجھا ڈالیں
سو، ہمیں بچانے کو
پار جا لگانے کو
شہر کے محافظ نے
امن کے پیمبر نے
راگ یہ بکھیرا ہے
آگہی، کہ دہشت ہے
آگہی بکھیڑا ہے
امتنان قاضی
[/RIGHT]
aagahi, k dehshat hay!
aagahi bakhheRa hay
aagahi k dar hain jo
bebasi kay ghar hain wo
qarz hay ye jaaNkaari
jo ada nahi hota
dard, soch ki yari hay
jo bhala nahi hota
rooh-e-waqt par logo
zaKhm to bala kay hain
har-soo nachtay phirtay
saaye ibtala kay hain
daayeray alam kay yun
raasta azal say hain
maah-e-fikr pay chhaya
kis qadar andhera hay
taKht-e-hosh par bhi yaaN
dehr ka ajaara hay
soch kay gharooN main to
zabt ka basera hay
zabt paar kartay hi
aansowooN ka Dera hay
jo agar ubal jaain
hastiyaaN miTa Daalain
bastiyaaN jala Daalain
naam-e-Khurd pay jalti
battiyaaN bujha Daalain
so hummain bachanay ko
paar ja lagaanay ko
shehr kay mohaafiz nay
amn kay payambar nay
raag ye bakhhera hay
aagahi, k dehshat hay
aagahi bakhheRa hay
Imtnan Qazi