**Aa ke meri jaan mein qaraar nahin hai
taqat-e-bedaad-e-intezar nahin hai
dete hain jannat hayaat-e-dahar ke badle
nasha ba’andaza-e-khumaar nahin hai
giriya nikaale hai teri bazm se mujh ko
haaye! ke rone pe ikhtiyaar nahin hai
hum se abas hai gumaan-e-ranjish-e-khaatir
khaak mein ushaq ki gubaar nahin hai
dil se uthaa lutf-e-jalwa haaye ma’ani
gair-e-gul aa’inaa-e-bahaar nahin hai
qatl ka mere kiya hai ahad to bare
vaaye! agar ahad ustavaar nahin hai
tu ne qasam mai’kashi ki khai hai ‘Ghalib’
teri qasam ka kuch aitbaar nahin hai
(((( Mirza Asadullah Khan Ghalib ))))**
Meaning of difficult words:
bedaad = injustice
dahar = world
ba’andaza = according to
giriyaa = to cry
abas = indifferent
ushaq = lovers
gair-e-gul = other than blossoms
ahad = promise
**baare **= at last
ustavaar = firm/determined
**mai’kashi **= boozing/drunk
