aa.ii sahar qariib to mai.n ne pa.Dhii Gazal
jaane lage sitaaro.n ke bajte hu.e ka.nval
be-taab hai junuu.n ki Gazal-KHvaaniyaa.n karuu.n
KHaamosh hai KHirad ki nahii.n baat kaa mahal
kaise diye jalaa.e Gam-e-rozgaar ne
kuchh aur jagmagaa.e Gam-e-yaar ke mahal
ab tark-e-dostii hii taqaazaa hai vaqt kaa
ai yaar-e-chaara-saaz mirii aag me.n na jal
ai iltifaat-e-yaar mujhe sochne to de
marne kaa hai maqaam yaa jiine kaa mahal
ham rind KHaak-o-KHuu.n me.n aTe haath bhii kaTe
nikle na ai bahaar tire gesu.o.n ke bal