~Ranjish hi sahi dil hi dukhane ke liye aa
Aa phir se mujhe choor ke jaane ke liye aa
~Pehle se marasim na sahi phir bhi kabhi tu
Rasm-o-Rah-e duniya nibhane ke liye aa
~Kis kis ko batayenge judai ka sabab hum
Tu mujh se khafa hai tu zamane ke liye aa
~Kuch tu mere pindaar-e-mohabbat ka bharam rakh
Tu bhi tu kabhi mujh ko manane ke liye aa
~Ek umar se hon lazzat-e-girya se bhi mehroom
Aye raahat-e-jaan mujh ko rulane ke liye aa
~Ab tak dil-e-khush-fehm ko tujh se hain umeedain
Ye aakhri shamiem bhi bhujaane ke liye aa