34th Death Anniversary of Ibn e Insha

Arts & Culture Poetry ( Intikhaab & Sho'ra-e-Gupshup)
1

Death anniversary of eminent Urdu Poet Ibn-e-Insha observed

ISLAMABAD: Renowned Urdu poet, humorist, travelogue writer and columnist Ibn-e Insha’s (Sher Muhammad Khan) death anniversary was observed with tributes paid to his great contribution in Urdu literature.
Ibn-e-Insha was born on June 15, 1927 as Sher Muhammad Khan in the Jalandhar District, Punjab, India. He did B.A. from Punjab University in 1946 and M.A. from University of Karachi in 1953.

His poetry has a distinctive diction laced with language reminiscent of Amir Khusro in its use of words and construction that is usually heard in the more earthy dialects of the Hindi-Urdu complex of languages.

He is considered as one of the most versatile poets and writers of his generation. He visited several countries and wrote his travel experiences in excellent and unique style.

Insha died on January 11, 1978 in London.

2

Re: 34th Death Anniversary of Ibn e Insha

3

Re: 34th Death Anniversary of Ibn e Insha

Aik chota sa ladka tha main jin dinoo.n
Aik mailey main pohancha humakta howa
Jee machalta tha aik aik shaiy per magar
jaib khaali thi kutch moul lay na saka
lout aaya leye hasratain sainkaroo.n
Aik chota sa ladka tha main jin dinoo.n

Khair mehromiyoo.n k wo din tu gai
Aaj maila laga hay usi shaan sey
Aaj chahoo.n tu ik ik dukaa.n moul loo.n
Aaj chahoo.n tu sara jaha.n moul loo.n
Narasaai ka abb ji main dharka kaha.n!
Per wo chota sa, alhar sa ladka kaha.n?

English Translation

I remember those days when I was a little boy,
I went to a see the fair, rocking and jumping with joy,
Everything seemed so eye-catching,
But I had no money, Nothing I could buy,
I returned home with a heavy heart,
Filled with hundreds of unfulfilled desires,
I remember the day when I was a little boy

Well, those days of my deprivation have gone,
Today, with the same pomp and show, The Fair is on,
Today, I can bye, each and every shop,
Today I can purchase the entire world,
I have no apprehension a

4

34th Death Anniversary of Ibn e Insha

Chalo utho insha ji ab kooch karo is shehar Mai dil ko lagana Kia :(

5

Re: 34th Death Anniversary of Ibn e Insha

yi sheher nahi dil walon ka :rolleyes:

6

Filhal Mere lehaz se sahi hai :stuck_out_tongue:

7

Re: 34th Death Anniversary of Ibn e Insha

jin se mil ker zindagi se eshq ho jaey
apne dekhe nhi mgr ese b hn log:wub:

8

Re: 34th Death Anniversary of Ibn e Insha

Ishq hey roug kaha tha hum ney aap ney lekin maana bhi
Ishq mein jee sey jaatey dekhey Insha jesy daana' bhi

9

Re: 34th Death Anniversary of Ibn e Insha

Restored attachments:

insha-urdu-village-poetry.jpg
insha-urdu-village-poetry.jpg800×600 521 KB

10

Re: 34th Death Anniversary of Ibn e Insha

Hum ghoom chuke basti ban main
ik aas ki phans leye man main
koi sajan ho, koi piyara ho
koi depak ho, koi tara ho
jab jewan raat undhairi ho

IK BAAR KAHO TUM MERI HO

jab sawan badal chaay hoon
jab phagan phool khilaay hoon
jab chanda roop lutata ho
jab soraj dhoop nahata ho
ya shaam nay basti ghairi ho

IK BAAR KAHO TUM MERI HO

haan dill ka daman phaila hay
kyu gori ka dill maila hay
hum kab tak peet k dhoke main
tum kab tak door jharoke main
kab deed sey dill ko sairi ho

IK BAAR KAHO TUM MERI HO

kiya jhagra sood khasare ka
ye kaaj nahi banjaare ka
sab sona roopa lay jaay
sab duniya, duniya lay jaay
tum aik mujhe bohteri ho

IK BAAR KAHO TUM MERI HO

11

Re: 34th Death Anniversary of Ibn e Insha

Hum Un Se Agar Mill Baithte Hain Kyaa Dosh Hamara Hota Hai
**
**Kuch Apni Jasarat Hoti Hai Kuch Un Ka Isharaa Hota Hai

Katne Lageen Raten Ankhon Main Dekha Nahin Palkon Pe Aksar
Kabhi Sham-e-Gariibaan Kaa Jugnuu Kabhi Subah Ka Tara Hota Hai

Hum Dil Ko Liye Har Des Phire Is Jins Ka Gahak Mill Na Saka
Ay Banjaaro Hum Loog Chale Hum Ko To Khasara Hota Hai

Hum Apni Zaban Se Kuch Bhi Kahen, Shayar Hain Khayalon Se Khelen
Aa Jao To Baham Mil Baithen Kabhi Hijr Bhi Pyara Hota Hai

Daftar Se Uthe Cafe Main Gaye Kuch Sher Kahe Kuch Cofee Pii
Poocha Jo Mu'ash Ka "Inshaa Jii" Yun Apna Guzara Hota Hai

12

Re: 34th Death Anniversary of Ibn e Insha

**Suntey hain phir chup chup un k ghar main aatey jaate ho
Insha sahab na-huq jee ko wehshat main uljhaatey ho

Dil ki baat chupaani mushkil, lakin khoob chupate ho
Ban main dana, sheh'r k under deewane kehlatey ho

Be-kal be-kal rehtey ho, per mehfil k adaab k saath
Aankh chura kar dekh bhi letey, bhole bhi ban jatey ho

Peet main aise laakh jatan hain, lekin ik din sab nakaam
Aap jahan main ruswa ho gaye, va'az humain farmaatey ho

Hum sey naam junoon ka qaim, hum sey dasht ki aabadi
Hum se dard ka shikwa karte, hum ko zakhm dikhaate ho?**

13

Re: 34th Death Anniversary of Ibn e Insha

sab maya hai , sab dhaltee phirtee chaya hai
iss ishq mein hum nay jo khooya jo paya hai
jo tum nay kaha hai, faiz nay jo farmaya hai
sab maya hai

haan gahay gaahay deed ke doulat haath aye
ya aik woh lazat naam hai jiss ka ruswayee
buss uss kay siwa tu jo bhi sawab kamaya hai
sab maaya hai

ik naam tu baqi rehta hai, gar jaan nahi
jab daikh liya iss sooday mein nuqsaan nahi
tab shama pay dainay jaan patanga aaya hai
sab maaya hai

maloom hmain sab qais miyaan ka qissa bhi
sab aik say hain, yeah ranjha bhi, yeh insha bhi
farhad bhi jo ik nahar se khood kay laya hai
sab maya hai

kiyon dard kay naamay likhtay likhtay raat karoo
jis saat samandar par ke naar ke baat karoo
uss naar say koi aik nay dhoka khaya hai ?
sab maaya hai

jis goori pay hum aik ghazal har shaam likhain
tum jantay hoo - hum kiyonkar uss ka naam likhain
dil uss ke chookhat chom kay wapis aaya hai
sab maaya hai

woh larki bhi jo chaand nagar ke raani thee
woh jiss ke alhaar ankhoon mein hayraani thee

14

Re: 34th Death Anniversary of Ibn e Insha

Iss Basti ke Ik koochey mein , Ik Inshah Naam ka Deewana
Ik naar pe jaan ko Har gaya , mash'hoor hai uss ka afsaana

Uss naar mein aisa roop na tha , jis roop se din ki dhoop dabbey
iss shehar mein kya kya gori hai , mehtaab rukhey gulnaar labbey
kuch baat thi uss ki baatoo'n mein,kuch bhaid they uss ke chitwan mein
wuhi bhaid ke joat jagaatey hain , kisi chahney waaley ke mann mein
ussey apna banaey ki dhun mein , hua aap hi aap se begaana
Iss basti ke ik koochey mein ik Inshah naam tha Deewana

Na chanchal khail jawani ke , na payaar ki al'harh ghaatein thein
bus raah mein unn ka milna tha aur phone pe unn ki baatein thein
iss Ishq pe ham bhi hanstey they , behasil sa behasil tha?
ik roz biphartey sagar mein , na kashti thi na sahil tha
jo baat thi in ke ji mein thi , jo bhaid tha yaksar anjaana
iss basti ek ik koochey mein , ik Inshah naam tha deewana

ik roz magar barkha rutt mein , wo bhaadoon' thi ya sawan tha
deewar pe beech sumandar ke , yeh dekhney waloo'n ne dekha
mastana haath mein haath diye , yeh aik Kagar pe baithey they
youn Shaam hui phir Raat hui , jab Sailaani ghar laot gey
kya raat thi wo - ji chahta hai uss raat pe likhein Afsaana
iss basti ke ik koochey mein ik Inhah naam tha deewana

Haa'n Umar ka saath nibhaaney ke they Ehad bohat Paimaan bohat
wo jin pe bharosa karney mein kuch sood nahi , Nuqsaan bohat
wo Naar yeh keh kar door hui - " majboori Sajan Majboori"
yeh wehshat se ranjoor huye aur ranjoori si ranjoori
uss roz hamein maloom hua , uss shakhs ka mushkil samjhana
iss basti ke ik koochey mein , Ik Inshah naam tha deewana

Go Aag se Chaati jalti thi , Go Aankh se darya behta tha
har aik se dukh nahi kehta tha , Chup rehta tha Gham sehta tha
Naadaan hain wo jo chairtey hain , iss aalam mein deewanoo'n ko
uss shakhs se aik jawab mila , sab apnoo'n ko baigaanoo'n ko
"kuch aur kaho to Sunta hoo'n , iss Baab mein kuch mat farmana"
iss basti ke ik koochey mein ik Inshah naam ka deewana

Ab aagey ka Tehqeeq nahi , go sun'ney ko ham suntey they
uss Naar ki jo jo baatein thein , uss Naar ke jo jo Qissey they
ik Shaam jo uss ko bulwaya , kuch samjhaya bechaarey ne
uss raat yeh qissa paak kiya , kuch kha hi liya dukhyaarey ne
kya baat hui , kis toar hui ? Akhbaar se logoo'n ne jana
iss basti ke ik koochey mein , ik Inshah naam tha deewana

Har baat ki khoj to theek nahi , tum ham ko kahani kehney do
Uss naar ka naam maqam hai kya , iss baat pe parda rehney do
ham se bhi soda mumkin hai , tum se bhi jafa ho sakti hai
yeh apna bayaa'n ho sakta hai , yeh apni Katha ho sakti hai
wo naar bhi aakhir pachtaayi , kis kaam ka aisa pachtaana?
iss basti ke ik koochey mein , ik Inshah Naam tha deewaan

15

Re: 34th Death Anniversary of Ibn e Insha

May Allah rest his soul in peace.
A poet par excellence.:flowers: Thanks for the reminder Mr. thread starter :slight_smile: