KHUDA KARAY
Khuda Karay K Meri Arz -e- Pak Par Utray,
Wo Fasl -e- Gul Jisey Andesha -e- Zawal Na Ho.
Yahan Jo Phool Khilay, Khila Rahey Sadioon,
Yahan Khizaan Ko Guzarnay Ki Bhi Majaal Na Ho.
Yahan Jo Sabza Ugay Hamesha Sabz Rahay,
Aur Aisa Sabz K Jis Ki Koi Misaal Na Ho.
Khuda Karay K Na Khum Ho Sar -e- Waqar -e- Watan,
Aur Is Kay Husn Ko Tashweesh -e- Mah -o- Saal Na Ho.
Har Aik Fard Ho, Tahzeeb -o- Fun Ka Oaj -e- Kamal,
Koi Malool Na Ho, Koi Khasta Haal Na Ho.
Khuda Karay K Meray Aik Bhi Hum Watan K Liye,
Hayaat Jurm Na Ho, Zindagi Wabaal Na Ho.
Khuda Karay K Meri Arz -e- Pak Par Utray,
Wo Fasl -e- Gul Jisey Andesha -e- Zawal Na Ho