Yeh jo raig-e-dasht-e-firaq hai

[muqawwee123]

Re: Yeh jo raig-e-dasht-e-firaq hai

@Lucid_Chaotic

felt like reading/listening to some Amjad Islam Amjad today:

yeh jo raig-e-dasht-e-firaq hai… yeh ruke agar…
yeh ruke agar tow nishaaN mile…
yeh nishaaN mile…
ke jo faasiloN ki saleeb hai… yeh garhi huee hai kahaaN kahaaN
mere aasmaaN se kidhar gayi tere iltefaat ki kehkashaaN

mere bekhabar, mere benishaaN
yeh ruke agar tow pata chale
maiN thaa kis nagar tu raha kahaaN
ke zamaaN makaaN ki yeh wus’ateiN
tujhe dekhne ko taras gayeeN
woh mere naseeb ki baarisheyN
kisi aur chhat pe baras gayeeN

isi raig-e-dasht-e-firaaq meiN rahe muntazar - tere muntazar
mere khwaab jin ke fishaar meiN
rahi mere haal se bekhabar… teri rehguzar
teri rehguzar ke jo naqsh heiN mere haath par
magar iss balaa ki hai teergi
ke Khabar naheeN mere haath ko mere haath ki

woh jo chashm-e-shobadaa saaz thi, woh uthey agar
mere ustkhaaN meiN ho roshni
ussi ek lamha-e-deed meiN teri rehguzar
meri teerah jaaN meiN chamak uthey
mere khwaab se tere baam tak,
sabhi manazaroN meiN damak uthey
usi ek pal meiN ho jaavidaaN
meri arzoo ke hai bekaraaN
meri zindagi ke hai muKhtasar

yeh jo raig-e-dasht-e-firaq hai, yeh ruke agar…

My all time favorite. also used as OST for Amjad Islam Amjad’s ‘Girah’