Re: Word of the Week- Reet, Rasm, Rivaaj
rasm-e- ulfat hi ijazat nahi deti warna
hum tumhein aisa bhulayein k sada yad karo
Re: Word of the Week- Reet, Rasm, Rivaaj
Ye Safar Nahi Azaab Hai
Yahan Her Kisi Pe Naqaab Hai
**Yahan Bad-Gumaani Ka Raj Hai
Yahan Be-Wafai rivaaj Hai**
Abhi Hosh Khone K Din Nahi
Abhi Tere Rone K Din Nahi
Abhi waqt hai muhje chor ja
Abhi Saari Nagri Andhair Hai
Abhi Din Nikalne Main Dair Hai,
Abhi Beher-e-Ishq Main Na Utar
Abhi Sheher Sara Hai Be-Khabar
Abhi waqt hai muhje chor ja
Re: Word of the Week- Reet, Rasm, Rivaaj
Aey Gardish-e-dauraaN, Umr-e-rawaaN
kuch pal k liye sastaaney dey
ye naatey, reet,ye rasm-o-rawaah
in sab sey aankh churaaney dey
ye jabr-e-musalsal rishtoN ke
ye bandhan aansoo aahoN ke
ab zanjeereiN si lagti heiN
in zanjeeroN sey pal do pal
thoRi si mujhey azaadi dey
aey Umr-e-rawaaN kuch Thehr zaraa
aey dil ki khalish kuch chain tou ley
iss dasht-e-alam meiN deeda-e-num
kuch khawaab sey dekha karti heiN
khush-fehmi ke behlaawoN sey
kuch harf tassali deti heiN
iss tanj-o-alam ney toRa hey
kuch aur ghumoN meiN chhoRa hey
ye rishtoN ki zanjeereiN ab tou
saath Sada ki saathi heiN
ye toR bhi kaesey saktey heiN
aey Umr-e-rawaaN kuch pal ke liye
asooda nagar meiN jaaney dey
uss shokh nazar sey poochh tou leiN
iss raah pe kyuN ye paagal dil
anjaani layh pe dhaRka hey?
iss moR pe kyuN ye daaman dil
phir kis ke aagey phaila hey?
ye nazreiN unki raahoN meiN
kyuN sajdah-raizii karti heiN?
ye bharm-o-anaa ki deewaareiN
iss karb-o-junooN sey haari heiN
aey gardish-e- dauraaN tuu hi bataa
iss Simt pe chal kar kya hogaa?
iss dard ka darmaaN kya hogaa?
iss roG ka marham kya hogaa?
iss dard ka haasil Hijr hey kya?
iss raah ka haasil hijr hey kya?
aey Umr-e-rawaaN kuch tu hi bataa
Re: Word of the Week- Reet, Rasm, Rivaaj
band kitabon mi urte hue titlian dal dein
kisne rasmu ki jalte hue aag mi larkian daal dein
hont piyase rahe, hosle thak gae, umer sahra hue
ham ne pani k dhoke mi phir rait mi kashtian daal dein
by NOSHI GILANI
Re: Word of the Week- Reet, Rasm, Rivaaj
Ajab hai "RASAM-E-ULFAT" ae "FARAZ"
Dil hamara hai magar "IKHTIAR" kisi aur ka hai...
Re: Word of the Week- Reet, Rasm, Rivaaj
Ajab nahin k ye rasm e hina bhi uth jae,
Hanot kar k rakho dulhanon k peele hath.
Re: Word of the Week- Reet, Rasm, Rivaaj
Tum janu, tum ko ghair say jo rasm o rah ho
Mujh ko bhi pochtay raho tu kia gunah ho
Bachtay nahi muakhiza roz hashar say
Qatil agar raqeeb hai tu tum gawah ho
Kia wo bhi bey gunah kush o haq nashanas hain
Mana k tum bashar nahi khursheed o mah ho
Ubhra howa naqab main hai in k eik taar
Marta hoon main k ya na kisi ki nigah ho
Jab mekada chhoota tu phir ab kia jaga ki qaid
Masjid ho madarsa ho koi khaanqah ho
Suntay hain jo behhisht ki tareef sub durast
Laikin khuda karay wo tera jalwa gah ho
Ghalib bhi gar na ho tu kuch aisa zarar nahi
Dunia ho ya Rub or mera badshah ho
Re: Word of the Week- Reet, Rasm, Rivaaj
nisar mi tere galion k ey watan,k jahan
chali hy RASM k koe na sar utha k chaly
jo koey chahney wala tawaf ko nikley
nazar chura k chaly jismu ja,an bacha k chaley
Re: Word of the Week- Reet, Rasm, Rivaaj
Ham ne tere liye hr rivaaj alag rakha he,
Tujh ko dunya se mere yaar alag rakha he,
Yaad karte hen tujhe eid mana lete hen,
Ham ne apne liye her tahwar alag rakha he
Re: Word of the Week- Reet, Rasm, Rivaaj
ABHI TO MI NE SOHNI DHARTE SUAN HI PURA
abhi eid yaad dila rahi hen rulaengey kia
abhi pakistan bohat yad aa raha hi:teary1:
abhi to match har bhi gaya
Re: Word of the Week- Reet, Rasm, Rivaaj
hahaha. Pakistan ki kia hi baat hai 
Re: Word of the Week- Reet, Rasm, Rivaaj
phir chalaa hai riwaaj kaaNtoN kaa
raaj kaaNtoN kaa taaj kaaNtoN kaa
baat sachchee kaheN to chubhtee hai
ham ne paaya mizaaj kaaNtoN kaa
umr bhar zakhm khaaye phooloN ke
dil rakheNge ham aaj kaaNtoN kaa
ghat rahee hai bisaath phooloN kee
phoolthaa hai samaaj kaNtoN kaa
khairiyat hee rahe na gulshan kee
gar huwaa ihtejaaj kaaNtoN kaa
ab guloN kaa Guroor tootegaa
ham kareNge ilaaj kaaNtoN kaa
yeh muhaafiz guloN ke gulshan ke
nang-e-gulshan hai raaj kaaNtoN kaa
jin ki nazreN haiN barchiyaaN fahmi
de rahe haiN kharaaj kaaNtoN kaa
Re: Word of the Week- Reet, Rasm, Rivaaj
HY SAMOSY:teary1:
HY GOLGAPPY:p
APNY THREAD KA NAAM RAKHEN
PAKISTAN KI BATEN KAREN:)
Re: Word of the Week- Reet, Rasm, Rivaaj
You can express your feelings about Pakistan in thread ‘Khuda kare ke meri arz e Pak pe utre’.
Re: Word of the Week- Reet, Rasm, Rivaaj
Saanu Nachna Manaa Na Kare Koi
Asaa Sikhya Karma Pyaar Nach Ke
Saadde Nachan Di Saar O Ki Jaane
Jine Vekhya Nayee Ik Vaar Nach Ke
Mudoh Ishq De Rasm-O-Rivaaj E Ho
Aashiq Sadaa Manawde Yaar Nachke
Ki Hoya Je Bulleh Shah Nachya Te
Majnu Laila Da Paaya Dedaar Nachke