dareeche se jhankti wo larrki ajeeb dukh se bhari hui hai
keh us k angan mai phool per aik neeli titli mari hui hai
kabhi azano mai khoi khoi,kabhi namazon mai roi roi
wo aise duniya ko dekhti hai k jese us se dari hui hai
darood se mehki mehki sansain,wazeefa parrhti hui ankhain
keh aik shama(n) medan mai kai baras se dhari hui hai
wo dukh ki chadar mai lipti lipti,wo kale kaprron mai simti simti
muhabbat us ne kisi se shayad meri tara he kari hui hai
barre zamano baad barsi hain meri ankhain kisi ki khatir
barre zamano baad dil ki zamee(n) phir se hari hui hai…
