Re: What is your all-time favourite poetry?
**Kisko Qaatil Main Kahun Kisko Masiha SaMjhun,
Sab Yahan Dost Hi Baithe Hai Kise Kya SaMjhun,
Wo Bhi Kya Din The Ke Har WaheM YaQeen Hota Tha,
Ab HaQeeQat Nazar Aaye To Use Kya SaMjhun,
Dil Jo Toota To Kayi Haath Dua Ko Uthe,
Aise Mahol Mein Ab Kisko Paraya SaMjhun,
ZulM Ye Hai Ke Hai YaQtaa Teri Begana-Ravi,
Lutf Ye Hai Ke Main Ab Tak Tujhe Apna SaMjhun...**
Re: What is your all-time favourite poetry?
Khamsa-e-Ghalib bar Ghazal Bahadur Shah "Zafar"
Ghalib ko jab paisoN kii kamii hotii to vo shahnshaah kii ta'reefoN ke pul baandh dete to kuchh raqam mil jaatii...lihaaza, unhoN ne Zafar kii ek Ghazal kii tazmeen ba_soorat-e-Khamsa kar Daali. mujhe unkii yeh tazmeen bahot pasand aayii...Khamsa meN 5 lines [misr'e] hote haiN lihaaza pahle 3 misr'e Ghalib ke haiN aur aaKhirii do Zafar kii Ghazal ke ash'aar haiN...yeh tazmeen taveel hai [11 bandoN par mushtamil hai] lihaaza maiN sirf yahaN matl'a aur maqt'a darj kar rahaa huN. mulaaHizah farmaaiye:
*matl'a:
*
**ghiste, ghiste paaoN meN zanjiir aadhii rah gai
mar gaye par qabr kii ta'miir aadhii rah gai
sab hi paRhta, kaash!, kiuN takbiir aadhi rah gai
"khiNch ke, zaalim!, jab tri shamshiir aadhii rah gai
Gham se jaan-e-'aashiq-e-dil_giir aadhii rah gai"
**
*maqt'a:
*
**tum jo farmaate ho, dekh ai "Ghalib"-e-aashufta_sar
ham man'a karte na the tujh ko, gaya kyuN us ke ghar?
jaan kii paauuN amaaN!, baat ye sab sach hai magar
"dil ne kii saari Kharaabi le gayaa mujhko :Zafar!:
vaaN ke jaane meN mri tauqiir aadhii rah gai"**
agar aapko Ghaalib ka yeh mukammal Khamsa bar ghazal Bahadur Shaah
"Zafar" matloob ho to mujhe muttel'a farmaaiyegaa. shukria.
Re: What is your all-time favourite poetry?
Qurbaan hojaun us shaks ki haathon ki lakeeron par…
Jisne Tujhe maanga bhi nahi or apna bana lia…
Re: What is your all-time favourite poetry?
Lyrics of the song ‘abhi na jaao chor k , ke dil abhi bhara nai’ are nice too 
Re: What is your all-time favourite poetry?
wo to ab ek jingle bun chaka hai wo bhi washing powder ka 
Re: What is your all-time favourite poetry?
aise kaise spoil kr saktay hain:teary2:
Re: What is your all-time favourite poetry?
***Kash azad qabilay k sukhanwar hote
Hum muhazon per na biktay to sikandar hote
Khud farebi k khuwabon mein rahe hum warna
Appni oqat mein rehte to qalandar hote***
Moj-e-kosar ki qasam hum the mobabbat k wali
Khaak k dar pe na jhukte to sumandar hote
Ankh ne khuwab k laluch mein khayanat kar li
Warna hum jagti raton k payaambar hote
Re: What is your all-time favourite poetry?
My father used to read it a lot specially in his last days. Mujhey in ahs'aar se kuch nisbat see hai jab se.**
Lagta nahi hai ji mera ujreh dayaar mein
Kis ki bani hai aalam-e-na-payedaar mein
Keh do in hasraton se kaheen aur ja basein
Itani jagah kahaan hai dil-e-daaghdaar mein
Umr-e-daraaz maang kar laaye they chaar din
Do arzoo mein kat gaye do intezaar me5n
Itna hai bad_naseeb "Zafar" dafn ke liye
Do gaz zameen bhi na mili ku-e-yaar mein **
Re: What is your all-time favourite poetry?
**ai mohabbat tere anjaam pe ronaa aayaa
jaane kyon aaj tere naam pe ronaa aayaa
yuu.N to har shaam ummiidon me.n guzar jaatii thii
aaj kuchh baat hai jo shaam pe ronaa aayaa
kabhii taqdiir kaa maatam kabhii duniyaaa kaa gilaa
manzil-e-ishq mein har gaam pe ronaa aayaa
jab huaa zikr zamaane me.n mohabbat kaa 'Shakeel'
mujh ko apane dil-e-naakaam pe ronaa aayaa**
Re: What is your all-time favourite poetry?
**Ghum-e-hijr-e-yaar kab tak, rahoon be-qarar kab tak
merey dil bata yeh mujhko, karoon ussko pyar kab tak
yeh hujoom-e-na-muradi ghum-e-be-shumar kab tak
terii baat kaa bharosaa teraa intezaar kab tak
shab-e-hijr ki udasi kahin mujhko lay na doobey
meri dharkano pe hoga tera ikhteyar kab tak
na hi aaj ka bharosa na hi kal ki hain umeedein
teri raah guzar takun mein shab-e-wasl-yaar kab tak
mein nikal pari thi tanha liyey saraey ranj dil par
magar phir khayal aya keh sahoon yeh baar kab tak
merii aankhein tak rahi hein teri wapsi ki raahein
tu hi ab bata dey mujhko karoon intezar kab tak
mujhay yoon tou dey geya hay wuh dilasa jatey jatey
magar ab yeh sochti hoon karoon eaitbaar kab tak
buhat ilteja ki uss ney ,kaha us nay nahi jao
magar uss ki be-dili ka bhala sehtii waar kab tak....!!!**