Re: Urdu Poetry used in Dramas & Movies
I am searching for the poet, this is the female version.
Re: Urdu Poetry used in Dramas & Movies
I think its by Amjad Islam Amjad. style says so
Re: Urdu Poetry used in Dramas & Movies
You know better than anyone 
Re: Urdu Poetry used in Dramas & Movies
I’m still not sure. Lets see, when they release OST who is the writer of drama. I wish its not by Zafar Mairaj
Re: Urdu Poetry used in Dramas & Movies
I forgot it ,You have not watched promo? the name of producer,director and writer is mentioned in the promo.
Re: Urdu Poetry used in Dramas & Movies
not yet
Re: Urdu Poetry used in Dramas & Movies
Firaq Gorakhpuri’s Ghazal used first in Anwar Maqsood’s Sitara aur Mehrunnisa (Wahab Khan’s voice) and then in Geo TV’s Umrao Jaan (Mehnaz’s voice)
sar mein saudaa bhii nahin dil mein tamannaa bhi nahin
lekin is tark-e-mohabbat kaa bharosaa bhi nahin
yun to hangaame uthaate nahin deevaanaa-e-ishq
magar ae dost kuchh aison kaa Thikanaa bhii nahin
muddaten guzarin teri yaad bhi aai na hamen
aur ham bhuul gae hon tujhe aisaa bhi nahin
ye bhi sach hai ke mohabbat mein nahin main majabuur
ye bhi sach hai ke teraa husn kuchh aisaa bhii nahin
dil ki gintii na yaganon mein na begaanon mein
lekin is jalvaagaah-e-naaz se uthtaa bhii nahin
bad gumaan ho ke mil ae dost jo milna hai tujhe
Be jhijhakte hue milna koi milna bhi nahin
shikva-e-jaur kare kya koi us shokh se jo
saaf qaayal bhi nahin saaf mukartaa bhi nahin
meharbaani ko mohabbat nahin kahate ae dost
aah ab mujhse teri ranjish-e-bejaa bhi nahii.n
baat ye hai ki sukuun-e-dil-e-vahashi kaa maqaam
kunj-e-zi.ndaa.N bhi nahin vusa’at-e-seharaa bhi nahin
munh se ham apne bura to nahin kahate ke ‘Firaq’
hai tera dost magar aadmi achaa bhi nahin
Re: Urdu Poetry used in Dramas & Movies
Zehra Nigah’s Nazm ‘Dosti ka Ik Samandar’ used in Anwar Maqsood’s ‘Sitara aur Mehrunnisa’
Dosti ka ek samandar
Unginat saahil wafa kay
Apnay seenay maiN chupaye
Jaanay kab say beh raha tha
Daf’atun ek mauj ubhree
MotiyoN kee shakal maiN
Dhaltay huay alfaaz, jumlay
Khood-bakhood dil say uThay
Lub tak gaye
Dil ka her ek bojh lafzoN nay uThaya
Fikr ka her lamha ek jumlay say Takraya
Bhikher ker kho gaya
Gham ka raiza raiza
Kuch baatoN ki ro maiN beh gaya
Re: Urdu Poetry used in Dramas & Movies
Ahmed Faraz’s Ghazal - OST ‘Halki si Khalish’
Roog aisay bhe ghum-e-yaar se lag jatay hain
dard se uthtay hain tu dewaar se lag jatay hain
ishq aghaaz main halki se khalish rakhta hai
baad main sainkroun aazaar se lag jatay hain
Katranen jo gham ki galiyon main uRi phirti hain
ghar main le aao to anbaar se lag jaate hain
pehlay pehlay hawas ki ek aadh dokaan khulti hai
pher tu bazaar k bazaar se lag jatay hain
be-basi bhe kabhi qurbat ka sabab hoti hai
rona chahain tu galay yaar se lag jatay hain
daagh daman k hon,dil k hon,ya chehray k faraaz
kuch nishan umr ki raftaar se lag jatay hain
Re: Urdu Poetry used in Dramas & Movies
I remember still remember the most adabi shair from PTV…
ehem ehem arz kia hai…
pigeon kabooter udan flying
look vaikho asmaan sky
Re: Urdu Poetry used in Dramas & Movies
ye to Omore Icecream ka ad tha.. aur Khushwant Singh ki jokes book main bhi included tha
Re: Urdu Poetry used in Dramas & Movies
Its from Islamabad station PTV drama i dont remember the name.
Re: Urdu Poetry used in Dramas & Movies
who is the singer of halki si khalish?
Re: Urdu Poetry used in Dramas & Movies
Waqar Ali
Re: Urdu Poetry used in Dramas & Movies
Numm poetry continued:
Mumkin hai chashm-e-Numm teri tera gharoor ho
Mumkin hai k ye aag pani se dur ho
Mumkin hai saraiyat karay ye zeher ragon main
Mumkin hai zeher ka asar dur dur ho
Mumkin hai k mumkin na ho yun mera palatna
Mumkin hai iztairab main bhee kuch suroor ho
Mumkin hai aa b jao tum meray khayal main
Mumkin hai dur dur ho, dur dur ho
Female version
Re: Urdu Poetry used in Dramas & Movies
Aun Zara main koi poetry use nahin ki? 
Re: Urdu Poetry used in Dramas & Movies
Ni wo zara bhngra style me aunn zara py he song hy ,
aap kun ni dekh rahy? ache cheez ko promote krna chahye umera ahmed k ilawa bhe kisi ko dekh lain
Re: Urdu Poetry used in Dramas & Movies
ok will watch that tomorrow.
Re: Urdu Poetry used in Dramas & Movies
Poem (A part of which) was used in ARY TV’s series ‘Tum Kaisi Muhabbat karte ho’.
Ladka
main aisi mohabbat karta hoon
tum kaisi mohabbat karti ho
tum jahan peh bayth k jati ho
main waheen pe betha rehta hoon
us cheez ko choota rehta hoon
main aisi mohabbt karta hoon
tum jis se huns k milti ho
main us ko dost banata hoon
tum jis rustay par chalti ho
main us say aata jata hoon
main aisi mohabbat karta hoon
tum kaisi mohabbat karti ho
tum jin ko daykhti rehti ho
wo khuwab…sarhanay rakhta hoon
tum say milnay julnay k
kitnay hi bahanay rakhta hoon
main aisi mohabbat karta hoon
tum kaisi mohabbat karti ho
kuch khuwab saja kar aankhoon main
palkon say moti chunta hoon
koi lums agar choo jaa a to
main pehroon us ko sochta hoon
main…aisi mohabbat karta hoon
tum kaisi mohabbat karti ho
jin logon main tum rehti ho
tum jin say batain karti ho
tum jin say huns k milti ho
jo tum ko achay lagtay hoon
wohi mujh ko achy lagtay hain
main aisi mohabbat karta hoon
tum kaisi mohabbat karti ho
jis bagh main subh ko jati ho
jis sabzay par tum chalti ho
jo shakh tumhain choo jati hay
jo khushboo…tum ko bhati hay
wo os tumharay chehray par
jo qatra qatra girti hai
wo titli chor k phoolon ko
jo tum say milnay aati hai
jo tum ko choonay aati hay
un sab k nazuk jazbon main
meray dil ki dharkan basti hai
miri rooh bhi shamil rehti hai
tum paas raho ya door raho
nazron main samai rehti ho
main tum ko takta rehta hoon
main tum ko sochta rehta hoon
main aisi mohabbat karta hoon
tum kaisi mohabbat karti ho
jis college main tum parhti ho
jis class main bhi tum jati ho
jis kursi peh tum baythti ho
jab class wo khali hoti hai
main ja k us main baythta hoon
us kursi ko main choota hoon
gadla sa ik tissue paper
jo tum nay class main choora tha
main pyar say us ko choota hoon
main us ko…purse main rakhta hoon
wo copy jis main lecture k tum
points likhti rehti ho
her moqay par her manzar main
main sath tumharay rehta hoon
main chashm-e-tasavvur main aksar
bus tum ko dekhta rehta hoon
bus tum ko sochta rehta hoon
main aisi mohabbat karta hoon
tum kaisi mohabbat karti ho
(Khalil ullah Farooqui)
…
**
Ladki**
tum jab bhi ghar par aatay ho
aur sab say batain kartay ho
main aut say parday ki janan
bus tum ko dekhti rehti hoon
ik tum ko dekhnay ki khatir
main kitni pagal hoti hoon
main aisi mohabat karti hoon
tum kaisi mohabbat kartay ho
jab darwazay par dastak ho
ya ghanti phone ki bajti ho
main chor k sab kuch bhagti hoon
aur tum ko jo na paoon to
ji bhar k ronay lagti hoon
main aisi mohabbat karti hoon
tum kaisi mohabbat kartay ho
mehfil main kaheen bhi jana ho
kapron ka selection karna ho
rang bohat say samnay bikhray hoon
us rang pe dil aa jata hai
jo rang k tum ko bhata hai
main aisi mohabbat karti hoon
tum kaisi mohabbat kartay ho
rozana apnay college main
kisi aur ka lecture suntay hoay
ya break k khali ghantay main
sakhyoon say batain kartay hoay
meray dhiyan main tum aa jatay ho
main, main nahin rehti phir janan
main tum main gum ho jati hoon
bus khuwabon main kho jati hoon
un aankhon main kho jati hoon
main aisi mohabbat karti hoon
tum kaisi mohabbat kartay ho
jis chehray par bhi nigha paray
her chehra tum sa lagta hai
wo sham ho ya ke dhop samay
sab kitna bhala sa lagta hai
janay ye kaisa nasha hai
garmi ka tapta mosam bhi
jaray ka maheena lagta hai
main aisi mohabbat karti hoon
tum kaisi mohabbat kartay ho
tum jab bhi samnay aatay ho
main tum say sunn na chahti hoon
kash kabhi tum ye keh do
tum mujh say mohabbat kartay ho
tum mujh ko bohat hi chahtay ho
lekin janay tum kyun chup ho
yeh soch k dil ghabrata hai
aisa to nahin hai na jana
sirf meri nazar ka dhoka ho
tum nay mujh ko chaha hi na ho
koi aur hi dil main rehta ho
main tum say poochna chahti hoon
main tum say kehna chahti hoon
lekin kuch pooch nahin sakti
mana ke mohabbat hai phir bhi
lab apnay khol nahin sakti
main larki hoon kaisay keh doon
main kaisi mohabat karti hoon
main tum say ye kaisay pochoon
tum kaisi mohabbat kartay ho
chup chap see main…ho jati hoon
phir dil main apnay kehti hoon
main aisi mohabbat karti hoon
tum kaisi mohabbat kartay ho
Re: Urdu Poetry used in Dramas & Movies
Very nice thread.
This song is my most favourite when it comes to OSTs from Pakistani dramas. It’s from drama serial Masuri. All songs from this drama are breathtaking: Allah hu, Dariya ki lehron main, Meri aankhon main, Mujhe soone do.
Tan mann doobay ishq main
Aur ik sajda ho o yaara
Tab milta hai woh
Written by: Shaikh Ayaz Marhoon