~Tumhari bheegti palkoon say mainay barha poocha...~

[Capricorn]

Re: ~Tumhari bheegti palkoon say mainay barha poocha…~

@fara

**Tumhari bheegti palkoon say mainay barha poocha

kay dil k kheil mein kia jeetnay walay bhee rotay hein?
wu jinki chasm-e-khudbeen aur ko deekha nahi kerti,
bhala kis dil say gham k taar mein moti pirootay hein?

Tumhari bheegti palkoon sya mainay barha poocha

Kay kia manind-e-sheesha patharoon mein baal aata hay?
asar-angaiz hay ab bhee muhabbat ka wuhi jazba,
ju aisay hoshmandoon ko bhee yun pagal banata hay?

---

Tumhari bheegti palkoon sya mainay barha poocha

misaj-e-husn mein yun yak-bayak kia inkilaab aaya?
sitara daikhna aur daikh ker afsurda hu jana…
barri takheer say tumko sitaroon ka hisab aaya!!

Tumhair bheegti palkoon say mainay barha poocha

Kay terk-e-rabt say kia mujhse wehsi yaad aatay hein?
tal-luk torna aasan tha tu aankh kyun numm hay… …
ana-perwar jaffa-paisha bhee yun aansoo bahatay hein?

---

Tumhari bheegti palkoon sya mainay barha poocha

kay jalnay aur jalanay mein bhala kia lutf aata hay??
bus ek jhooti ana kay wastay berbad hu jana??
khudi kay zua’mm mein insaan kitnay dukh uthata hay… …

Khaleel-ullha Farooqi
**

Wow. wonderful. :k: