Re: Tujhe Aawaaz Deta Hoon To Dohraata Nahi Koi..
Yaheen Rehtay Hain Lekin Sheher Se Naata Nahi Koi
Paray Hain Aise Goshay Main Jidhar Aata Nahi Koi
Hamain Sab Shaakh Se Toota Hua Patta Samajhtay Hain
Bhatak Jayen To Hum Ko Raah Per Laata Nahi Koi
Yahaan To Apne Kaantey Apne Haathon Chun'nay Partay Hain
Ye Wo Basti Hai Jis Main Phool Barsata Nahi Koi
Jo Dekha Hai Wo Aankhon Pe Yaqeen Karnay Nahi Deta
Jo Socha Hai Wo Khud Ko Bhi Bata Paata Nahi Koi
Teray Ghar Ka Pata Maloom Hai Meray Siwa Sab Ko
Kisi Se Pooch Lo To Simt Batlaata Nahi Koi
Mujhe Maloom Hai Tuu Sang'dil Hai Be'Muravvat Hai
Meray Dil Ko Magar Teray Siwa Bhaata Nahi Koi
Ager Ye Bhi Barasnay Lag Parain To Mera Kya Hoga?
Ghata'on Ke Siwa Meray Sir Pe Chhaata Nahi Koi
superb poetry; thanks for sharing red g