Re: Tribute To Our Great Moderator Amal
Hmmm hum kya kaheiN itney wadey wadey logoN k kehney sey nahi aaey tou merey kehney sey tou shaaid hi lekin phir bhi kah deti hooN Amal waapis aa jaaeiN :-)
Amal ki poem Amal k naam:-)
Kabhi ye aaNkheiN udaas ho kar bheeg jaaeiN to laot aana
zard december ki sard shaameiN agar sataaeiN to laot aana **
hum isi jaga par roz aa kar tumhaara rasta takaa kareiN gey
tumhey naey shehar ki nai hawaeiN raas na aaeiN to laot aana
kisi ki baateiN buri lageiN to suno wahaN pe zara na rukna
kisi ki aaNkheiN agar tumhaari haNsi urraaeiN to laot aana
naey sapney lageiN na apney to puraney sapney orrh lena
par dooryoN ki taveel raateiN har roz jagaaeiN to laot aana
mehak ki rut meiN behak ke humdum raastoN ko kho na dena
wafaa ke jugnu jab bhi tum ko sadaa lagaaeiN to laot aana
baadloN meiN ghir gaey to hamaari yadeiN tang kareiN gi
jab baarishoN ke shareer mosam dil jalaaeiN to laot aana
naey dinoN ki nai khushbu bohat mubaarak ho tum ko lekiN **
*gaey dinoN ki puraani yaadeiN lahu rulaaeiN to laot aana *
*jism aur rooh ka ajeeb bandhan na-jaaney kis dum toot jaey *
*suno tumheiN hum jo aek pal ko kabhi bulaaeiN to laot aana! *