Re: Timepass
*mujhe vida kar *
*ai meri zaat, phir mujhe vida kar *
*woh log kya kaheNge , meri zaat *
*log, jo hazaar saal se *
*mere kalaam ko taras gaye *
*mujhe vida kar *
*maiN tere saath apne aap ke syaah gHaar meN *
*bahut panaah le chuka *
*maiN apne haath paaoN apne dil ki aag meN *
*tapa chuka *
*mujhe vida kar *
*ke aab-o-gul ke aansooN ke aayinoN *
*ki be-sadaai sun sakooN *
*hayaat-o-marg ka salaam-e-roostaai sun sakooN hayaat= life; marg= death *
*maiN roz-o-shab ke dast-o-pa ki narsaai sun sakooN narsaai= failure ] *
*mujhe vida kar *
*bahut hi der --- der jaise der ho gayi *
*ke ab ghaRhi meN beesveeN sadi ki raat baj chuki *
*shajar hajar woh janwar shajar= trees; hajar= stones] *
*wo taayiraan-e-kHastapar taayir = bird ] *
*hazaar saal se jo haal meN , zameeN par *
*makalme meN jama haiN *
*wo kya kaheNge, maiN khudaaaoN ki tarah *
*azl ke be-vafaaoN ki tarah *
*phir apne ahad-e-mansabi se phir gaya *
*mujhe vida kar, ai meri zaat *
*tu apne rozanoN ke paas aake dekh le rozan= window] *
*ke zahan-e-na tamaam ki masahatoN meN phir *
*har uss ki kHizaaN ke barg-e-kHushk yuN bikhar gaye *
*ke jaise shahar hast meN *
*ye nesti ki gard ki pukaar hooN *
*lahoo ke daldaloN meN hadsoN ke zamhareer atar gaye zamhareer= intense cold ] *
*tu apne rauzanoN ke paas aake dekh le *
*ke mashraqi ufaq pe aareefoN ke kHwaab----------- kHwaab-e-qahwa rang meN *
*umeed ka guzar nahiN *
*ke magHrabi ufaq pe, marg noor pe kissi ki aankh tar nahi *
*mujhe vida kar, magar na apne zeenoN se utar zeena = stairs] *
*ke zeene jal rahe haiN be-hushi ki aag meN *
*mujhe vida kar, magar na saans le *
*ke shayaraan-e-nau tiri sada ke saham se dubak na jaayeN *
*ke tu sada rasaalatoN ka baar unn peH Daalti rahi rasaalat= prophethood] *
*ye baar inn ka haul hai *
*woH dekh roshni ki doosri taraf *
*kHyaal, kaagHzoN ki baaliyaaN bane hue *
*haroof bhaagte hue *
*tamaam apne aap hi ko chaaT-te hue *
*jahaaN zamana tez tez gaam-zan *
*wahiN zmana baaz apne khel meN magan *
*jahaaN peH baam-o-dar lapak rahe haiN baaarishoN ki simt *
*aarzoo ki tishnagi liye *
*wahiN gumaaN ke faasle haiN raah-zan *
*mujhe vidar kar *
*ke shahar ki faseel ke tamaam dar haiN va abhi *
*kahiN wo log so na jaayeN boriyoN meN rait ki tarah rait= sand] *
*mujhe ai meri zaat, apne aap se *
*nikal ke jaane de *
*ke iss zabaaN boorida ki pukaar, iss ki ha va hoo *
*gali gali sunaai de *
*ke shahar-e-nau ke log jaante haiN ( kaasa-e-gursanagi liye) kaasa-e-gursanagi= bowl of hunger] *
*ke unn ke tashtah baaghchoN meN *
*apne vaqt ke dhulaaye haath se *
*nay darakht ugaaooNga *
*maiN unn ke seem-o-zar se , unn ke jism -o-jaaN se *
*koltaar ke taheN haTaaooNga *
*tamaam sang parah haai baraf *
*unn ke aastaaN se maiN uThaaooNga *
*ke unn ke shahar-e-nau ke raaste tamaam band haiN *
*mujhe vida kar ke apne aap meN, maiN itne kHwaab ji chuka *
*ke hausla nahi *
*maiN itni baar aap apne zakHm si chuka *
*ke hausla nahiN *
kia kuch khane ke liye lae hain 
cream-waalaa dikhtaa huN?