Time pass

Arts & Culture Poetry ( Intikhaab & Sho'ra-e-Gupshup)
41

Re: Time pass

:wsalam:

aap ko dekha to khayal aya
aap ne Inoo baji ko hai daraya
de kar unko 50 RS ki raqam
unka meter hai phir ghumaya

:blush:

42

Re: Time pass

Where is Innocent Smile?

43

Re: Time pass


zaraa is thread ke title par Ghaur farmaaiye...abhii tak to **'Timepass' *huaa kartaa thaa magar is maah Innocent Smile ne 'Timepass' ke TukRe kar diye...aise...'Time Pass'***...Ghusse meN shaayad TukRe kiye hoNge...

...mujhe to nahiiN pataa k kahaaN haiN vo magar jahaN bhii hoN Khudaa se du'aa hai k saath Khairiyat se hoN aur Khush o Khurram hoN...aameen :)**

44

Re: Time pass

motti maze se akele akele pakore kha rehi hai … :teary2:

45

Re: Time pass

Pakoray :yummy:

46

Re: Time pass

Itni subh kaun khaaye ga pkoray :(

47

Re: Time pass

Hum ne to dinner bhi kar lia..

48

Re: Time pass

kia khaayaa? maiN to lunch karne jaa rahaa huN...aaiye bismillah kijiye...maiN to** 'murGh retili chuRail'**** Theek kar rahaa huN. :)**

49

Re: Time pass

'murGh retili chuRail'bole to Chicken Sandwitch??

I had Achaar Gosht.

50

Re: Time pass

I have daal gosht for lunch.

51

Re: Time pass


**ahaaN...mujhe pataa thaa k tussii hii samajh paaoge :)

waah...meraa to dil kartaa hai k maiN bhii u ke achaar gosht pe bismaillah karuuN :D**

52

Re: Time pass

Bismillah. Bhale Kare aaya asan ja mehmaan.

53

Re: Time pass


**does this mean: "bhalaa ho k koii mahmaan yahaN aayaa"?

aisaa kahte haiN k:

*"jo mehmaan ko khilaa pilaa diyaa uskaa Hisaab Allah ke Huzuur nahiiN denaa hogaa"...*

...to phir:

*"ek din mehmaan, do din mehmaan, teesre din be_iimaan"*

aisii kahaavat kiuN vujood meN aayii? mehmaan teesre din be_iimaan kiuN aur kaise ban jaataa hai? :D**

54

Re: Time pass

Bhali Kare aaya = Khush Amdid, Asan Je Ghar Mehmaan Aya = Hamare Haan Mehmaan aaye

You are always welcome KKF. Aap ne jo kahawat batai wo un mehmanon ke liye hai jo nerves pe sawar ho jate hain.

55

Re: Time pass


**thankoo for the translation :)

oh achchhaa...to nervey aur nerdy mehmaanoN kii ta'reef meN aayaa hai :)

vaise, kuchh kahaavateN 'ajeeb o Ghareeb hotii haiN :) **

56

Re: Time pass

Sahi kaha jaise log hote hain waisi kahawaten hoti hain.

I find this one quite odd quoted for supporting marriages in between cousins.

Apna maar kar bhi chhaoN main rakhta hai.

:smack: jab maar dia to phir chaoN ho ya dhoop, ki farq painda ae.

57

Re: Time pass

**waah…bilkul saHeeH aur bar-jastah misaal dii…yeh kahaavat shaayad us waqt ke dehii culture se mutaabiqat rakhtii thii. yaa is men bhii koii shaa’iraana falsafa muzmir rahaa ho…Ghalib ne farmaayaa thaa:

gaaliyaan khaa ke bhii be-mazaa na huaa

usii andaaz pe:

maar khaa ke bhii tan meN dard na huaa**** :cb:

yeh kahaavat bhii isii tarz kii hai:

“apne hii buraa bhalaa kahte haiN, paraaye to nahiiN”…

…aise ‘apnepan’ pe sadqe jaauuN! :D**

58

Re: Time pass

Kia Chacha Ghalib dheet hogae the? Kabhi wo galiyan kha ke bad maza na hue wali baat karte hain aur kabhi mushkilen padin mujh per itni ki aasaan hogai.

Mujhe yaad hai bachpan main jab kisi bache ko bar bar maar padti thi to wo bacha finally maar se bhagna ya hifz e ma taqaddum ke iqdamaat chor deta tha, aur iss bache ke baray main yeh mashoor hojata tha ke 'Iss per to maar ka asar hi nahin hota'.

59

Re: Time pass


**bilkul saHeeH...har kisii cheez kii ziyaadtii se uskaa taqaddus Khatm ho jaataa hai...aab-e-zamzam kii 'Arab meN vo qadr o manzilat nahiiN jo 'ajam meN hai.

mere vaalid marHoom ne ek baar bataayaa thaa mujhe k jab Indira Gandhi ne mulk meN emergency lagaaii thii to saare mulkii nizaam Theek Thaak ho gaye the magar log kahte the k emergency jald uTh jaanii chaahiye varna iskaa asar zaa'il ho jaayegaa kiuN k:

"hamaarii qaum pe DanDa laTkaa rahe to kaam kartii hai, agar paR jaaye to phir uskii 'aadii ho jaatii hai aur phir uskaa maqsad faut ho jaataa hai"...

...kitnii saHeeH baat thii...aaj ham sab vohii apnii aaNkhoN se dekh rahe haiN :(**

60

Re: Time pass

Haan yeh baat to doctor bhi kehte hain ke ziada dawaen khane se dawaiyan asar nahin karti. Phir bhi pata nahin prescription lambe se lamba kiyun hota jata hai? :confused: