Sureeli Ghazlen aur Nazmen

muqawwee123 · September 20, 2013, 11:30am

Re: Sureeli Ghazlen aur Nazmen

kisi aur gham mein itni khalish nihaaN nahi hay
gham-e-dill meray rafeeqo gham-e-raigan nahi he

koi hum nafas nahi hay, koi raazdaaN nahi he
faqat ek dill tha ab tak so wo mehrabaaN nahi he

kisi aankh ko sada do kisi zulf ko pukaro
bari dhoop par rahi he koi saaibaaN nahi he

inhi pathron pay chal kar agar aa sako tu aao
meray ghar k rastay mein koi kehkishaaN nahi he

Poet: Mustafa Zaidi; Singer: Asad Amanat Ali

Poetry is superb.. kabhi suna nahin . sun kar batao kaisi hai

Asad Amanat Ali Khan sings Mustafa zaidi- Kisi aur gham mein itni …

jiia · September 20, 2013, 11:32am

Re: Sureeli Ghazlen aur Nazmen

yi akhri hy

ab me thak gai mujy to ka aik cup chaiay:rotato:

muqawwee123 · September 20, 2013, 1:12pm

Re: Sureeli Ghazlen aur Nazmen

Poet: Allama Iqbal; Singer: Shabnam Majeed

Shabnam Majeed - La phir aik bar wohi (Poem by Iqbal) - Vidpk.com

La Phir Ek Bar Wohi Bada o Jam Aiy Saqi_Kalam e Iqbal_Shabnam …](http://www.youtube.com/watch?v=gXywmRm0k1s)

Restored attachments:

muqawwee123 · September 20, 2013, 1:16pm

Re: Sureeli Ghazlen aur Nazmen

Poet: Faiz Ahmed Faiz; Singer: Malika Pukhraaj

Malika Pukhraj - Yeh Kaun Sakhi Hain - Ghazal - YouTube](http://www.youtube.com/watch?v=6P2Z_arr-H8)

Faiz Ahmed Faiz - Yeh kon sakhi hain by Malika Pukhraj - Vidpk.com

Restored attachments:

hybridkamal · September 20, 2013, 2:37pm

Re: Sureeli Ghazlen aur Nazmen

kabhi hum khubsurat thay

kitabon main basi khushbu ki maanind
saans saakin thi
buhot se unkahe lafzon se,
tasveeren banaatay thay

Parindon ke paron par nazm likh kar
door ki jheelon main basnay waalay logon ko,
sunate thay.
jo hum sai door thay laikin
humaray paas rehtay thay

Naye din ki musafat jab kiran ke saath aangan main utarti thi
to hum kehtay thay, ammi titlion ke par bhut hi khubsurat hai

humain maathay pai bosa do
ke hum ko titliyon ke jugnuon ke des jaana hai
humain rangon ke jugnu
roshni ki titliyan awaaz daiti hain..
naye din ki musafat rang main doobi hawa ke saath khirki sai bulaati hai.

Poet: Ahmed Shamim
Singer: Nayyara Noor

[kabhi hum khoobsurat thay - YouTube](http://www.youtube.com/watch?v=NjBn27jHZjg)

hybridkamal · September 20, 2013, 2:53pm

Re: Sureeli Ghazlen aur Nazmen

Kahan ho tum chale aao mohabbat ka taqaza hai

Gham-e-duniya se ghabra ker tumhain dil ne pukara hai

Tumhari be-rukhi ek din humari jaan le le gi
Qasam tum ko zara socho ke dastoor-e-wafa kiya hai

Na jaane kis liye duniya ki nazrein phir gayi hum se
Tumhain dekha tumhain chaha kasoor is ke siwa kiya hai

Na hai faryad honton par na aankhon main koi aansoo
Zamane se mila jo gham usay hi toh nibhaya hai

Kahan ho tum chale aao mohabbat ka taqaza hai
Gham-e-duniya se ghabra ker tumhe dil ne pukara hai

Poet: Behzad Lakhnavi
Singer: Nayyara Noor (though also sang by shehnaz begum but nayyara noor’s version is great).

Kahan ho tum chale aao (Nayyara Noor) - YouTube

muqawwee123 · September 20, 2013, 4:06pm

Re: Sureeli Ghazlen aur Nazmen

Poet: Ibn e Insha; Singer Abida Parveen

Sauda ho toh aisa ho (Abida Parvin) - YouTube

Restored attachments:

hybridkamal · September 21, 2013, 10:21am

Re: Sureeli Ghazlen aur Nazmen

Hosh walon ko khabar kya bekhudi kya cheez hai

Ishq kije phir samajhiye zindagi kya cheez hai

Unse nazrein kya milein roshan fizayein ho gayein
Aaj jaana pyar ki jaadugari kya cheez hai
Ishq kije phir samajhiye zindagi kya cheez hai

Khulti zulfon ne sikhayi mausamon ko shayari
Jhukti aankhon ne bataya mai’kashi kya cheez hai
Ishq kije phir samajhiye zindagi kya cheez hai

Hum labon se keh na paye unse haal-e-dil kabhi
Aur woh samjhe nahin yeh khamoshi kya cheez hai
Ishq kije phir samajhiye zindagi kya cheez hai

Poet: Muqtida Hassan Nida Fazli
Singer: Jagjit Singh

Hosh walon ko khabar kya bekhudi kya cheez hai (Jagjit Singh) - YouTube

ehsan · September 21, 2013, 10:32am

Re: Sureeli Ghazlen aur Nazmen

Lyrics: tasleem fazli

Rafta rafta woh meri hasti ka saamaan ho gayey,
Pehlay jaan, phir jaan-e-jaan, phir jaan-e-jaana ho gayey !

Din-b-din badti gehin us husn ki raaniyaan,
Pehlay Gul, phir gul-badan, phir gul-badamaan ho gayey !

Aap to nazdeek say nazdeek-tar aatay gahey,
Pehlay dil, phir dilruba, phir dil kay mehmaan ho gayey !

Rafta rafta woh meri hasti ka saamaan ho gayey,
Pehlay jaan, phir jaan-e-jaan, phir jaanayjaana ho gayey !

Pyar jab Hadd se badha saare Taqaloof mith gayey,
Aaap se phir tum huay phir tu ka Khunwaan hogayey!

Microbian · September 21, 2013, 11:46am

Re: Sureeli Ghazlen aur Nazmen

Her Zulm tera yaad hai , bhula to naheen hoon
Aye wada faramoosh , main tujhsa to naheen hoon

Sahil pay khaRay ho tumhain kya gham , chalay jana
Main doob raha hoon , abhi duba to naheen hoon

Aye wada faramoosh , main tujhsa to naheen hoon
Her Zulm tera yaad hai , bhula to naheen hoon

Chup chap sahi maslehatan, waqt kay hathoon
Majbor sahi, waqt se hara to naheen hoon

Ae wada faramoosh , main tujhsa to naheen hoon
Her Zulm tera yaad hai , bhula to naheen hoon

Muztar kyon mujhay deekhta rehta hai zamana
Deewana sahi, un ka tamasha tu naheen hoon

Aye wada faramoosh , main tujhsa to naheen hoon
Her Zulm tera yaad hai , bhula to naheen hoon

Singer : Sajjad Ali
Poet : Aftab Muztar

Sajjad Ali - Har Zulm (Official Video) - Video Dailymotion

Female version
https://www.facebook.com/photo.php?v=150242695185986

muqawwee123 · September 21, 2013, 12:34pm

Re: Sureeli Ghazlen aur Nazmen

Poet: Meera Ji; Singer: A Nayyar

**Anjaane Nagar Mann Maane Rahe
**
a nayyar - radio songs - ANJANE NAGAR MAN MANE RAHE.wmv …

Anjaane Nagar Mann Maane Rahe
Mann Maane Nagar Anjaane Rahe

Apni Baaton Ki Masti Mai
Suntey Rahe Dil Ki Basti Mai
Wohi Geet Jo Kuch Mann Maane Rahe
Wohi Raag Jo Sukh Ke Bahaney Rahe

Raatein Beeteen, Din Beet Gaye
Raat Bhi Nai Phir Din Bhi Naye
Moorakh Mann Aesa Hatela Hai
Isey Yaad Wo Rang Puraane Rahe

Anhoni Ka Jese Dehaan Na Raha
Honi Ne Isey Chupke Se Kaha
Na Wo Baatein Raheen, Na Zamane Rahe
Jo Rahe Bhi To Baqi Afsaane Rahe

Ab Geet Mai Rass Tapkaatey Hain
Yun Dil Ki Aag Bujhaatey Hain
Ab Sukh Ki Taan Sunaai Di
Ik Duniya Naii Dikhaai Di
Ab Sukh Ne Badla Bhais Naya
Ab Dekhen Ge Hum Dais Naya
Jab Dil Ne Ram Duhaai Di
Ik Duniya Naii Dikhaai Di
Is Dais Mai Sab Anjaane Hain
Apne Bhi Yahan Begaane Hain

Peetam Ne Sab Se Rihaai Di
Ik Duniya Naii Dikhaai Di
Har Rang Naya Har Baat Naii
Ab Din Bhi Naya Aur Raat Naii
Ab Chain Ki Raah Sujhaai Di
Ik Duniya Naii Dikhaai Di
Ab Apna Mehal Banaen Ge
Ab Aur Ke Dar Pe Na Jayen Ge
Ik Ghar Ki Raah Sujhaai Di
Ik Duniya Naii Dikhaai Di

This has now been used as OST of Haseena Moin’s drama ‘Anjane Nagar’

Anjane Nagar O.S.T - YouTube](http://www.youtube.com/watch?v=SdiQhI8XbKE)

Anjane Nagar - O.S.T - Video Dailymotion](http://www.dailymotion.com/video/xz8rgh_anjane-nagar-o-s-t_music)

jiia · September 21, 2013, 12:36pm

Re: Sureeli Ghazlen aur Nazmen

aj kuch nahi sunna
kal aik dafa me sab ekhate

muqawwee123 · September 21, 2013, 12:56pm

Re: Sureeli Ghazlen aur Nazmen

ye wala micro ke liye tha for information purposes

Microbian · September 21, 2013, 1:02pm

Re: Sureeli Ghazlen aur Nazmen

:k: is me aap ny kaha tha awaz Nayara noor ki ni lg ri :cb:

muqawwee123 · September 21, 2013, 1:07pm

Re: Sureeli Ghazlen aur Nazmen

Its not Nayyra as the original was sung by A Nayyar they mixed it up

Microbian · September 21, 2013, 1:13pm

Re: Sureeli Ghazlen aur Nazmen

Oh acha me sunti hun ye wala laikn pehly suna tha to female voice the

muqawwee123 · September 21, 2013, 1:47pm

Re: Sureeli Ghazlen aur Nazmen

This one is the best. driving karte huwe boht acha lagta hai (agar traffic jam na ho)

jiia · September 21, 2013, 2:40pm

Re: Sureeli Ghazlen aur Nazmen

meri driving applivation kahan gei

muqawwee123 · September 21, 2013, 5:25pm

Re: Sureeli Ghazlen aur Nazmen

Poet: Shad Azeemabadi; Singer: Abida Parveen

Dhoondo ge agar mulkon mulkon Abida perveen .flv - YouTube](http://www.youtube.com/watch?v=NNqiP6-iobo)

Restored attachments:

muqawwee123 · September 21, 2013, 5:26pm

Re: Sureeli Ghazlen aur Nazmen

Poet: Suroor BaraBankwi; Singer: Gulbahar Bano

To kiya ye tai hai ke ab umr bhar nahin milna
To phir ye umr bhi kiyun tumse gar nahin milna

Chalo zamane ki khatir ye jabr bhi seh lain
Ke ab kabhi jo mile toot kar nahin milna

Rah e wafa ke musafir ko kon samjhae
ke iss safar main koi humsafar nahin milna

Juda to jab bhi hue dil ko yun laga jaise
ke ab gae to kabhi laut kar nahin milna

Gulbahar Bano To Kiya Yeh Tay Hai Ke Ab Umar Bar Nahin Milna …