Sunaaa hai.......................................

[Amal]

Re: Sunaaa hai…

@soniaa_jee

Suna hai tum bohat masroof ho
Masroof to itney keh fursat tum se milne ko tarasti hai
Suno!
Masroofiyat ke dairay ko paat kar
Fursat se milne ka kabhi moqa mile to
Sub se pehlay khud se milna
Phir faraghat ka koi lamha bache to
Gham ke num alood rastoon par kaheen se dhoop la rakhna
…
Phir bhi gar fursat ki poonji bachi rahey to
Aaina-ro sa’aton ke aks aankhon main sajana
Waqt ke sahil pe geeli rait se ek ghar bana’na
Haath ke mehraab se dil ke diey ki thartharati lo ko bujhne na dena
Pairon ke daman se lipti chaon main mehki hui baatain chupana
Aur parindon ke chehak se nazm ke Misray bana’na
Ya palkon ke aut se chanti hui kirno se yaadon
Ke dhanak bharna
Gar nahi to
Kaasni phoolon ke soorat man ke soone pan main khilna
Phir bhi gar Fursat Mile to
MUJH SE MILNA!

Very nice poem. Khaas gehri aur pur’asr :k: Thanx for sharing with us.