sulag raha hoon mein dheery dheery, magar kisi par ayaa’N nahe hy

[Innocent_Smile]

Re: sulag raha hoon mein dheery dheery, magar kisi par ayaa’N nahe hy

@Ali

sulag raha hoon mein dheery dheery, magar kisi par ayaa’N nahe hy
wo aag dil mein lagi hy jis mein, tapish hy laikin dhooa’N nahe hy

tumhary gham ne sikha dia hy, mujhy har ik gham se payar karna
gham-e-jaha’N bhi, yaqeen jano, mizaaj-e-dil par garaa’N nahe hy

khuda ke basti mein har kadam par, koi hy giryaa’N kisi k gham par
yeh dard to dard-e-mushtarak hy, yeh aankh pur namm kaha’N nahe hy

matta-e-umr-e-aziz sari, ganwa chuky, par safar hy jari
ajeeb souda hy aashqi ka, keh fikr-e-sood-o-ziyaa’N nahe hy

meri khamoshi pe hansny walo, yeh bhool kar bhi na soch lena
keh mery pehloo mein dil nahe hy, keh mery munh mein zubaa’N nahe hy

ghazal kaho AITBAAR SAJID, isi tarapti hue navaa mein
yeh tarz, yeh dil gudaaz lehja, samaa’to’N par garaa’N nahe hy

(Aitbaar Sajid)

boht khob. jawab nai is ghazal ka har sher apnay andar boht si batain sameTay hoye nazar aata hai. 2 bar parha hai aur dobara parhny ka bhi dil kar raha hai