shola-e-ishq bujhaanaa bhi nahiN chaahtaa hai

[Jhanjharewali]

Re: shola-e-ishq bujhaanaa bhi nahiN chaahtaa hai

@fizatiq

shola-e-ishq bujhaanaa bhi nahiN chaahtaa hai
vo magar Khud ko jalaanaa bhii nahiiN chaahtaa hai
(sholaa : fireball)

us ko manzuur nahiiN hai meri gumraahi bhi,
aur mujhe raah pe laana bhi nahiN chahtaa hai

sair bhii jism ke sehraa ki Khush aati hai magar,
der tak Khaak uRaanaa bhi nahiN chaahtaa hai
(sair : wander; sehraa : wilderness)

kaise us shaKhs se tabeer pe israar kareiN
jo koi Khwaab dikhaana bhi nahiN chaahtaa hai
(tabiir : realization)

apne kis kaam meiN laayega bataata bhi nahiiN
ham ko auroN pe ganvaanaa bhi nahiN chaahtaa hai

mere lafzoN meN bhi chhuptaa nahiN paikar us ka,
dil magar naam bataana bhi nahiN chaahtaa hai

:hinna: