sher

[nakhan]

Ghalib

@harf-e-junoon

daayum pur.da hua teray dur pur nahi hu main
khaak aisi zindagi pay kay pathar nahi hu main

kyuu.N gardish-e-mudaam se ghabaraa na jaaye dil
insaan huu.N, pyaalaa-o-saaGar nahii.n huu.N mai.n

had chaahiye sazaa me.n uquubat ke waaste
aaKhir gunaahagaar huu.N, kaafir nahii.n huu.N mai.n

rakhate ho tum qadam merii aa.Nkho.n se kyuu.n dareG
rutabe me.n mahr-o-maah se kamatar nahii.n huu.N mai.n

Really nice Harf-e-Janoo

Ishq Mujh ko nahi, wehshat hi sahi
Meri wehshat teri shohrat hi sahi

Qata kijiye na ta.aluq hum say
Kuch nahi hay to adawat hi sahi

Hum bhi dushman to nahi hain apnay
ghair ko tujh say mohobbat hi sahi

Hum koi tark-e-wafa kartay hain
Na sahi ishq, museebat hi sahi

Hum bhi tasleem ki khoo dalain gay
Be niyazi teri aadat hi sahi