Re: Share your favorite poets’s ashaar
Are you looking for this one:
**Ab wahi harf-e-junoon sab ki zuban thahri hai
jo bhi chal nikli hai wo baat kahan thahri hai
Aaj tak shaikh ke ikram main jo shay thi haram
ab wahi dushman-e-deen rahat-e-jan thahri hai
Hai khabar garm ke phirta hai gurezan naseh
guftagu aaj sar-e-ku-e-butan thahri hai
**
Hai wahi ariz-e-laila wahi shirian ka dahan
nigah-e-shauq ghari bhar ko yahan thahri hai
Wasl ke shab thi to kis darja subak guzri hai
hijr ke shab hai to kya sakht garan guzri hai
Bikhri ek bar to hath aai kab mauj-e-shameem
dil se nikli hai to kab lab pe fugan thahri hai
Dast-e-sayyad bhi ajiz hai kaf-e-gulchin bhi
bu-e-gul thahri na bul-bul ke zaban thahri hai
Aate aate yun hi dam bhar ko ruk hogi bahar
jaate jaate yun hi pal bhar ko khizan thahri hai
Hum ne jo tarz-e-fugan ki hai qafas main ijad
“Faiz” gulshan main wo tarz-e-bayan thahri hai