Re: Sard Mosam ki shayari!
Raat bhar sard hawaa chalti rahi
raat bhar hum nay alaao taapaa
meiN nay maazi sey kai khushk si shaakheiN kaateiN
tum nay bhi guzray huey lamhoN kay pattay toRey
meiN nay jaiboN sey nikaali sabhi sookhi nazmeiN
tum nay bhi haathoN sey murjhaaye huye khat kholey
apni inn aankhoN sey meiN nay kai maanjay toRay
aur haathOn sey kai baasi lakeereiN phenkeiN
tum nay palkoN pay nami sookh gayi thi, so giraa dii
raat bhar jo bhi milaa ugtay badan par hum ko
kaat kay daal diyaa jaltay alaao meiN ussay
raat bhar phoonkoN say har lou ko jalaaye rakkhaa
aur do jismoN kay eendhan kou jalaaye rakkhaa
raat bhar bujhtay huey rishtey ko taapaa hum nay
(GULZAR)
