Safar malaal ka hei aur.....(Noshi Gilani)

[muddii]

Re: Safar malaal ka hei aur…(Noshi Gilani)

@Jhanjharewali

safar malaal ka hei aur chal rahi huun mei

ghubaar-e-shab ki udasi mei dhal rehi huun mei

ajeeb barf ki barish badan pe utri hei
ke jis ki aag mei chup chaap jal rehi huun mei

phir ik charaagh jala shaam ki haveli mein
phir ek dard se aakhir sambhal rehi huun mei

ye rakh rakhaao usay jaan’ne naheen de ga
ke apne aap mei kese pighal rahi huun mei

ye ishq sach se juda kese ho gaya jaana?
ab is saval se bahar nikal rehi huun mei

bas ek ishq meri zaat per saheefa ho
mere khuda! ye aqeeda badal rahi huun mei

NOSHI GILANI

Very nice choice:lajawab: