Re: Rishte aur be hain sirf tum hi to nahein…
Bicharrna Hai TO Khushi Se Bichrro,Sawal Kesay,Jawaab Chorro
Kisay Mili Hain Jahan Ki Khushian, Milay Hain Kis Ko Azaab Chorro
Naye Safar Pe Jo Chal Parray ho, Mujhy Khabar Hai Ke Khush Barray ho
Hai Kaun Ujrra Tumahray Pechay,Ye Kis Ke Tootay Hain Khwab Chorro
Muhabbaton Ke Tamam Waaday, Nibhaye Kis Ne, Bhulaye Kis Ne
Tumhen Pashemani Ho Gi Janan, Jo Meri Maano Hisaab Chorro
Dukhi Dilon Ki Pukar Sun’na, Bana Lo Daayamm Amal Ye Apna
Hai Is Me Tum Ko Gunaah Kitna, Ya Kis Qadar Hai Sawab Chorro
Milay Ho Muddat Ke Baad Janan,TO Kesa Shikwa Gila Bhi Kaisa
Tumhen Mila Hai Sukoon Kitna, Hua Main Kitna Khraab Chorro
Ye Ishq Hai La-Dawa Beemari, Hai Is Ka Hr Aik Waar Kaari
Is Ishq Se Jaan Bacha Lo AHMAD, Ye Khaar Hai Yaa Gulaab Chorro