**
maiN to kahuuNgaa k ek karoR choohe khaa ke gai par gaii to magar shart qubooliyat kii hai aur uskaa dara o madaar niyat par hai aur us Haj se uskii tarz-e-zindagii badaltii hai yaa nahiiN…agar lauT kar phir vohii sab kaam kiye to haj ka ba-zaahir koi faida nahiiN…vaise, Allah bahtar jaantaa hai…jo guidlines Allah ne bataayii hai uskii roo se Hajj kii qubooliyat ke ba’d bada/bandi ma’soom bachche/bachchii kii taraH ho jaataa hai…gunaahoN se paak…agar koii phir gunaahoN ke keechaR meN kood paRe to aise Haj se koii faaida nahiiN…
…vaise, aajkal maiN yehii dekhtaa huN k Hajj ke ba’d zindagii unkii nahiiN badaltii…rishwat pahle bhii lete the ab bhii lete haiN, kaam se job par time kii chorii kiyaa karte the tab bhii aur ab bhii, namaazeN chhoRte the pahle bhii aur ab bhii chhoR dete haiN bilaa ta’ammul … Allah ham sab ko Hajj kii fazeelat se faiz yaab hone kii taufeeq 'ataa farmaaye …aameen**