Ramzan Kareem mein Quran Majeed khatam karne ka nuskha

[Krypton]

Re: Ramzan Kareem mein Quran Majeed khatam karne ka nuskha

@Khalil KhaaN FaaKhta

Qur’aan kaa Khatm karnaa bahot achchhii baat hai…saal bhar paRhnaa chaahiye magar iskaa Khatm karnaa zaroorii nahiiN…i mean Ramadhan ke mahiine meN taraaveeH meN bhii Khatm-e-Qur’aan karnaa zaroorii nahiiN magar haaN jitnaa Qur’aan paRhaa jaaye utnaa kam hai…

…maiN yeh is liye kah rahaa huN k maiN ne apne mulkoN meN ilm kii kamii ke baa’is yeh dekhaa hai k unkii nazar meN Qur’aan Khatm karnaa intihaaii zaroorii hai taraaveeH meN aur agar aisaa na kiyaa to gunaah hogaa…maiN ne to taajiroN ko yahaN tak dekhaa hai k vo pooremaheene to dunyaadaarii meN aur tijaarat meN mashGhool rahte haiN aur waqt e aKheer e Ramzaan unko Khatm e Qur’aan yaad aataa hai achaanak to vo aisii masaajid meN jaate haiN jahaN ‘shabeena’ kaa iHtimaam hotaa hai…ya’nii Khatm e Qur’aan in ONE night taraaveeH…maiN ne to dekhaa hai k kuchh log gappeN maarte haiN aur rukoo se pahle shamail ho jaate haiN yaa kuchh log baiTh kar paRhne lagte haiN aur kisii Had tak oonghte bhii rahte haiN!

kia faaida aisii ibaadat se? isii liye 'allaamah Iqbal ne farmaayaa thaa k:
**
teraa imaam be_huzoor, terii namaaz be_suroor
aisii namaaz se guzar, aise imaam se guzar!**