Re: Poet of the Month May Faiz Ahmad Faiz
rah-guzar saey shajar manzil-o-dar halqa-e-bam
bam par seena-e-mehtab khula, ahista
jis tarah kholey koi band-e-qaba, ahista
halqa-e-bam taley sayon ka thehra hua neel
neel ki jheel
jheel mein chupkey se taira kissi patey ka habab
ek pal taira chala phoot gaya ahista
bohat ahista bohat halka khunk rang-e-sharab
mere sheeshey mein dhala ahista
sheesha-o-jam surahi tere hathon ke gulab
jis tarah door kisse khuab ka naqsh
aap hi aap bana aur mita ahista
dil ne duhraya koi hurf-e-wafa ahista
tum ne kaha ahista
chand ne jhuk ke kaha
aur zara ahista