Re: Poet of the Month May Faiz Ahmad Faiz
Dekhnay ki to kisay taab hai magar ab tak
Jab bhi us raah se guzro To kisi dukh ki kasak tokti hai keh vo darvaza khula hai ab bhi Aur us sehen main har su yoon he pehlay ki tarah Farsh-e-nau-ummeediye deedaar bicha hai ab bhi Aur dil kehta hai kahin aur chalay jaayen Jahaan koi darvaza abas va ho Aur na koi yaad fariyaad ka kashkol liye bethi ho Mahram-e-hasrat-e-deedaar ho deevaar koi Aur na koi saya-e-gul, hijrat-e-gul se veeraa.n ho Ye bhi kar dekha hai... Yeb bhi kar dekha hai her baar magar raahon main Des pardes ki bemahar guzargaahon main Qaaflay qaamat-o-rukhsaar lab-o-gesu ke Pardah-e-chashm pe yoon utray hain be-soorat-o-rang Jis tarah band dareechon pe giray baarish-e-sang Aur dil kehta hai her baar laut chalo Is se pehlay ke vahaan jaayen to ye dukh bhi na ho Vo nishaani, keh vo darvaza khula hai ab bhi Aur us sehen main har soo yoon he pehlay ki tarah Farsh-e-nau-ummeediye deedaar bicha hai ab bhi
(SID, can u comment on this- can u explain anythng abt this..bachground etc or what exactly this poem is about.I cant say that i understand where its coming from)
Bohat simple sa background hai iska ke koi apka wait kar raha hai darwaza khol kar par aap wahan jana nahi chahate aap chahte hain ke aap wahan jayen jahan aap se koi umeedein wabasta na karay kion ke aap se logoon ki ummeedein puri nahi ki jaati etc par dil phir bhi kehta hai ye sab kuch sochne ke ba wajood wahin chaltay hain jahan se chalay thay jahan koi apka wait kar raha hai !
line to line tashreeh chaiye to bata dein woh bhi kar daalta hon !