Re: Poet of the Month - Ahmed Faraz
"FARAZ"doston say nahi kuch gila mujhe
barbaad kar gaya mera zoaq-e-wafa mujhe
jin doston nay haal na pocha tammam umer
rahi aaj tak onhi say umeed-e-wafa mujhe
Re: Poet of the Month - Ahmed Faraz
Yeh Soch Kar Ke Gham Ke Kharidaar Aa Gaye
Hum Khwaab Bechne Ko Sar-e-Baazaar Aa Gaye
Aawaaz De Ke Chhup Gayi Har Baar Zindagi
Hum Aise Saada Dil Thei Ke Har Baar Aa Gaye
Hum kaj Ada Chiragh Thei Jab Bhi Hawa Chali
Raaho’n Ko Chorr kar Sar-e-Deewar Aa Gaye
Sooraj ki Roshni Pe Jinhe’n Naaz Tha Faraz
Woh Bhi Toh Tere Sayaa-e-Deewar Aa Gaye
Re: Poet of the Month - Ahmed Faraz
one of my fav thankuu MUQAA :k:
Re: Poet of the Month - Ahmed Faraz
Do you have complete ghazal. Its my favorite too.
Re: Poet of the Month - Ahmed Faraz
mere pass to aik page b nahi kisi poetry ka 
Re: Poet of the Month - Ahmed Faraz
hahaha. Ho sakta hai ye aap ko yaad ho.
Ek aur meri pasandeeda ghazal:
ab ke tajdeed-e-wafa ka nahi imka’n jana’n
yad kya tujh ko dilayein tera paima’n jana’n
yun hi mausam ki ada dekh k yad aya hai
kis qadar jald badal jate hain insa’n jana’n
zindagi teri ataa thi so tere naam ki hai
hu ne jaise bhi basar ki tera ehsa;n jana’n
dil yeh kehta hai k shayad ho fasurda tu bhi
dil ki kia bat karein dil to hai ada’n jana’n
aww-awwal ki mohobbat k nashe yad to kar
bepiye bhi tera chehra tha gulista’n jana’n
aaKhir aaKhir to ye aalam hai k ab hosh nahi
rag-e-meena sulag uthi k rag-e-jaan jana’n
muddaton se yeh alam na tavaqqo na ummeed
dil pukare hi chala jata hai jana’n jana’n
hum bhi kya sada the hum ne bhi samajh rakha tha
Ghum-e-dayran se juda hia ghum-e-jana’n
ab k kuch aisi saji mahafil-e-yara’n jana’n
sar-ba-zaanu hai koi sar-ba-gireba’n jana’n
har koi apni hi awaz se kaanp uThta hai
har koi apne hi saaye se hirasaa’n jana’n
jis ko dekho wohi zanjeer-ba-paa lagtaa hai
sheher ka sheher hua daaKhil-e-zindaa’n jana’n
ab tera zikr bhi shayad hi Ghazal mein aye
aur se aur hua dard ka unvaa’n jana’n
hum k rooThi hui rut ko bhi manaa lete the
hum ne dekha hi na tha mausam-e-hijraa’n jana’n
hosh aayaa to sabhi Khvaab the rezaa-rezaa
jaise urte hue auraaq-e-paresha’n jana’n
Re: Poet of the Month - Ahmed Faraz
aik aik lafz parha ,bohat bohat acha laga :dania
Re: Poet of the Month - Ahmed Faraz
Qurbaton men bhi judai ke zamane mange
Dil vo beemar k rone ke …bahane mange
Apna ye hal ke ji har chuke lut bhi chuke
Aur muhabbat vahi andaz purane mange
Ham na hote to kisi aur ke charche hote
Khalqat-e-shahar to kehne ko fasane mange
Dil kisi haal pe maane hi nahin jan-e-FARAZ
Mil gaye tum bhi to kya aur na jane mange…
Re: Poet of the Month - Ahmed Faraz
zindagi yun thi ke jeene ka bahana tu tha
hum faqat zaib-e-hikayat the, fasana tu tha
hum ne jis jis ko bhi chaha tere hijran mein, woh log
aate jaate huye mausam the, zamana tu tha
ab ke kuch dil hi na maana ke palat kar aate
warna hum dar-ba-daron ka to thikana tu tha
yaar-o-aghayaar ke haathon mein kamanein thi ‘Faraz’
aur sab dekh rahe the ke nishana tu tha
Re: Poet of the Month - Ahmed Faraz
Chalo kuch dino ke liye dunya chhor dete hain Faraz
Suna hai log boht yaad karte hain chale jane ke baad