Pakistan VS New Zealand | 8th March

[KKF]

Re: Pakistan VS New Zealand | 8th March

@ravage

To the Pakistani Team:

Khuda vo waqt na laye ke sogwaar ho tu
sukoon ki neend tujhe bhi haram ho jaye
teri masarrat-e-paiham tamam ho jaye
teri hayat tujhe talkh jam ho jaye

Ghamon se aina-e-dil gudaz ho tera
Hujuum-e-yas se betab hoke reh jaye
wafur-e-dard se simab ho ke reh jaye
tera shabab faqat Khwab ho ke reh jaye

Ghurur-e-husn sarapa niyaz ho tera
tawil raton mein tu bhi qarar ko tarsay
teri nigah kisi ghum gusar ko tarsay
Khizan rasida tamanna bahar ko tarsay

Koi jabin na tere sang-e-aastan pe jhuke
ke jins-e-ijz-o-aqidat se tujh ko shad kare
fareb-e-wada-e-farda pe aetamad kare
Khuda wo waqt na laye ke tujh ko yaad aye

wo dil ke tere liye beqarar ab bhi hai
wo ankh jis ko tera intazaar ab bhi hai

waah janaab, waah…kia aaiina dikhaayaa hai…subHaan Allah