Agar hai Jazba-e-Tameer Zinda
To Phir kis Cheez ki Hum mai Kami hai
Jahan se Phool toota tha waheen pe
Kali si ik Numayaan ho rahi hai
Jahan Bijli giri thi ab Wohi Shakh
Naye Pattay Pehan ke tan gyee hai
Khizaa'n ruk saka kab Mausam-e-Gul
Yahi Asl-o-Usool-e-Zindagi hai
Agar hai Jazba-e-Tameer Zinda
To Phir kis Cheez ki Hum mai Kami hai
Khandar se kal jahan bikhray paray thay
Woheen se aaj Dhuwain uth rahay hain
Jahan pe Zindagi Mabhoot si thi
Waheen pe Aaj Naghmay Goonjtay hain
Yeh Sannatay ki leh pe tan ki Hijrat
Yahi Asl-o-Usool-e-Zindagi hai
Agar hai Jazba-e-Tameer Zinda
To Phir kis Cheez ki Hum mai Kami hai
Nahi Dastagi ka Khauf
Jab tak Shuaain Barf par Larzaan rahain gi
Andheray jam nahi Payen gai
Jab tak Chiraghon ki Lawain Raqsaa'n rahain gi
Bashar ki Apni hi Taqdeer se Jang
Yahi Asl-o-Usool-e-Zindagi hai
Agar hai Jazba-e-Tameer Zinda
To Phir kis Cheez ki Hum mai Kami hai
To Phir kis Cheez ki Hum mai Kami hai
Agar hai Jazba-e-Tameer Zinda...........
Mayoos mat hona yeh aik gunaah hota hai,
Milta wahi hai jo kismat mein likha hota hai.
Har cheez miley humain yeh zaroori to nahi,
Kuch cheezon ka zikar doosre jahan main hota hai.
Jo khud ko kostey hain wo shayad bekhabar hain,
Kuch paa lene ka ikhtiyar khud pe bhi hota hai.
Har aik ko barsar-e-ilzam kyun thehrayein hum,
Apne saamne bhi to aik aayena hota hai.
Hum apni zindagi se kyun haar jaayein,
Gar doobta hai sooraj to kal bhi ujala hota hai.
Wo din k jis ka wada hai
Jo looh-e-azl pe likha hai
Hum bhi dekhenge
Jab zulm-o-sitam k kooh-e-giran
Roi ki tarah ur jaenge
Hum mehkomon k paaon tale
Ye dharti dhar dhar dharkegi
Aur ahl-e-hukum k sir oper
Jab bijli kar kar karkegi
Hum bhi dekhenge
Jab arz-e-Khuda k kaabe se
Sab but uthwae jaenge
Hum ahl-e-safa mardood-e-harm
Masnad pe bethae jaenge
Sab taaj uchale jaenge
Sab takht girae jaenge
Hum bhi dekhenge
Bas naam rahega Allah ka
Jo ghayab bhi hai hazir bhi
Jo manzar hai nazir bhi
Uthega ANAL HAQ ka nara
Jo mai bhi hon tum bhi ho
Aur raaj karegi Khalq-e-KHUDA
Jo mai bhi hon tum bhi ho
Hum dekhenge
Najam Sheeraz got good voice.