arz-e-niyaaz-e-ishq ke qaabil nahin rahaa
jis dil pe naaz thaa mujhe vo dil nahin rahaa
jaataa hun daagh-e-hasarat-e-hastii liye hue
hunshammaa-e-kushtaa daraKhur-e-mahafil nahin rahaa
marane kii ai dil aur hii tadabiir kar k main
shaayaan-e-dast-o-baazuu-e-qaatil nahin rahaa
ba-ruu-e-shash jihat dar-e-aa_iinaabaaz hai
yaa.N imtiaaz-e-naakis-o-qaamil nahin rahaaa
vaa kar diye hain shauq ne band-e-naqaab-e-husn
Gair az nigaah ab koi haa_il nahin rahaa
go main rahaa rahin-e-sitam haaye rozagaar
lekin tere Khayaal se ghil nahin rahaa
dil se havaa-e-kisht-e-vafaa mitke vaan
haasil sivaaye hasrat-e-haasil nahin rahaa
bedaad-e-ishq se nahin drata magar 'Asad'
jis dil pe naaz thaa mujhe vo dil nahin rahaa
"Ghalib"