Hazaaron Khwahishein Aisi Ke Har Khwahish Pe Dam Nikley…
Bohot Nikle Mere Armaan Lekin Phir Bhi Kam Nikle…
Daray Kyun Mera Qaatil, Kya Rahega Uski Garrdan Per…
Wo Khoo’n Jo Chasm-E-Tar Se Umar Bhar Yoon Dam-Baa-Dam Nikley…
NIkalna Khuld Se Aadam Ka Suntay Aaye Hein Lekin…
Bohot Be-Aabroo Ho Ker Tere Koochay Se Hum Nikley…
Bharam Khul Jaaye Zaalim, Tere Qaamat Ki Darazi Ka…
Agar Is TuRRah-e-Pur-Peech-O-Kham Kaa Pich-O-Kham Nikley…
Magar Likhwaye Koi Usko Khatt To Hum Se Likhwaye…
Hui Subha Ghar Se Aur, Kaan Per Rakh Ker Qalam Nikley…
Hui Is Dourr Mein Mansoob Mujhse Baadaa Aashami…
Phir Aaya Woh Zamana Jo Jahan Mein Jaam-E-Jam Nikley…
Hui Jin Se Tawaqqou Khustagee Ki Daad Panay Ki…
Woh Hum Se Bhi Ziada Khasta Taigh-E-Sitam Nikley…
Muhabbat Mein Nahin hai Farq Jeene Aur Marne Ka…
Ussii Ko Dekh Ker Jeete Hein Jis Kaafir Pe Dam Nikley…
Kahan Maiy-Khanay Ka darwaza Ghalib Aur Kahan Waaiz…
Per Itna Jaante Hein Kal Wo Jata Tha Keh Hum Nikley…