Mujhey darya nahi likhna, mujhey sehra nahi likhna

[Innocent_Smile]

Re: Mujhey darya nahi likhna, mujhey sehra nahi likhna

@Amal

**Mujhey darya nahi likhna, mujhey sehra nahi likhna
tasal’sul se safar meiN hooN, mujhey tthehra nahi likhna

puraaney raabtoN ki raakh ab tak dil meiN baaqi hey
meri jalti hatheli par naaya waada nahi likhna

Bisat-e-zindagi ki aakhiri sarhad pe khara hoon
Mujhey fateh nahi likhna, mujhey mohra nahi likhna

gawaahi apney dil se lo tumhara dil kiya kehta hey
mujhey jhoota nahi likhna, mujhey sacha nahi likhna

meiN uski yaad meiN gum hooN ke apne aap meiN gum hooN
mujhey mehfil nahi likhna, mujhey tanha nahi likhna

meri aankhoN meiN baateiN heiN magar chehray pe gehri chup
meri aankheiN to likh dena, mera chehra nahi likhna
**

boht hi aala…zabardast…lajawaab…
alfaaz nai mere pas is ki tareef ke liye

puraaney raabtoN ki raakh ab tak dil meiN baaqi hey
meri jalti hatheli par naaya waada nahi likhna