Re: mujhe zindagi ki dua na de
mere hum-nafas, mere hum-navaa mujhe dost ban ke daGaa nade
mei hun dard-e-ishq se jaan_balab, mujhe zindagi ki dua na de
mere daagh-e-dil se hei roshni,usi roshni se hei zindagi mujhe dar hei ay mere chaaragar! ye charagh tu hi bujha na de
mujhe chhord de mere haal per, tere kya bharosa hei charagar ye teri nawazish-e-mukhtasar, mera dard aur badha na de
mera azm itna buland hei ke paraye sholon ka dar nahi mujhe khauf aatish-e-gul se hei, ye kahin chaman na ko jala na de
wo uthe hei leke jam-o-subuu, arey o 'Shakeel' kahan hei tu tera jaam lene ko bazm mei koi aur haath badhaa na de
SHAKEEL BADAYUNI
Very touchy:)