*
Mujhay is jisam kay sartaan say bahir nikalna hay
abhi mujh ko teri pehchan say bahir nikalna hay
main apnay aap main thehra huva aisa parinda hoon
jisay is zaat kay dalaan say bahir nikalna hay
anna ki aag main jalnay laga hay dil mera peham
mujhay shayed teray ahsaan say bahir nikalna hay
mujhay is zindagi say khof sa aanay laga hay phir
mujhay is akhri behraan say bahir nikalna hay
**mujhay dar hay kay meri rooh ki na mout na ho jayey
mujhay apnay hi is insaan say bahir nikalna hay**
main surj lay kay aisa ratjagay kay beech aa betha
jahan raton ko ik unvaan say bahir nikalna hay
**kai bikhri huvi yaadain' kai vaaday' kai batain
yahi kuch to meray saamaan say bahir nikalna hay **
main us kay payar kay is khail ka aisa khilari hoon
jisay her jeet kay imkaan say bahir nikalna hay
*beautiful
*
*