Re: MOHABBAT KE LIYE DIL DHOOND KOI TOOTNE WALA !
**
YuN dost saarey apney apney rastey badal gaey
kuch peechey ruk gaey to kuch aagey nikal gaey
haalaat ki dhoop zaraa si deir ko teiz kya hui
jitney wafa ke peikar they saarey pighal gaey
waadoN ke taarey raatoN sey baahar na jaa sakey
iraadoN ke din nikalney sey pehley hi dhal gaey
wafaaoN ke rang shabnam ke qatroN sey mit gaey
mohabbat ke phool jazboN ki 'shiddat' sey jal gaey
taanoN ke teer dunya ki kaamanoN pe kya charrhey
sabar ke daaman haathoN sey yuk'dum phichal gaey
aaNkheiN khuleeN to khaaboN ko bura laga magar
kuch deir wo reh ke muztarib khud hi behal gaey
pehley pehal to ajeeb lagey badley huwey chehrey
lekin phir waqt ke saath saath hum bhi sambhal gaey
By: Amal
**