Dast afshan chalo, mast-o-raqsan chalo
Khak bar sar chalo, khoon badaman chalo
Rah takta hai sub shehr-e-janaan chalo
Hakim-e-shehr bhi, majma-e-aam bhi
Teer-e-ilzam bhi, sang-e-dushnam bhi
Subh-e-nashaad bhi, roz-e-naakaam bhi
Unka dum-saaz apnay siwa kaun hai
Shehr-e-janaan main ab baa-sifa kaun hai
Dast-e-qatil kay shayan raha kaun hai
Rakht-e-dil bandh lo, dil figaro chalo
Phir hameen qatl ho aain yaro chalo
Re: Meri Pasand ki 10 Ghazlen / Nazmen (muqawwee123)
ye mera thread tha.. jis main maine apni pasand ki poetry post ki.. aap unn poems ki pasandidgi ki waja ya aur koi sawal jo uss poetry ke baare main pooch sakti hain…
ab aakhri nazm… ye maine likhi thi aur mujhe apni likhi hui shayri main sab se ziada pasand hai:
Khwab Gharonday
Saahil ki Rait per, Ek Gharonda dekh kar
Barson pehle poocha tera, Ek sawaal yaad aya
‘Mohabbat ka Khwab Bununa, Aur Rait ke gharonday banana
Kiyun Mushkil Hota hai, Unko totene se bachana’
Main na janta tha, Tere unn sawaalon ka jawaab
Wo umr hi aisi thi, Kon karta agle pal ka hisaab
Waqt ne lekin khol diye, Kuch razon ke israar
Mere Hisse main bhi agae, Kuch toote sapne aur gharonde be shumaar
Tere saare sawaalon ka jawaab mujhe mil gaya
Jo mere tha wo bhi waqt ke saath badal gaya
Mohabbat ka khwab ho yaa rait ka gharonda
Dono se lipti bus ek hi kahani hai
Koi bhi cheez jo toote to
Peeche reh jata bus khaara pani hai
Kuch to qisamt bhi saath nahin apni
Aur kuch dard ko gale lagane ki aadat bhi puraani hai
Re: Meri Pasand ki 10 Ghazlen / Nazmen (muqawwee123)
Waqt ne lekin khol diye, Kuch razon ke israar
Mere Hisse main bhi agae, Kuch toote sapne aur gharonde be shumaar
chonkay shair bhi app hian, to madarja bala sher kay bary main tashreeh karain......
her insan khwahishon ki nakami dekhta hai aur yehi nakami usse uss ke insaan hone ka yaqeen dilati hai.. warna insaan kuch paale chahe muhabbat ho, daulat ho, ya ilm... insaan apne aap ko bada samajhne lagta hai
:halo:
