Re: Merey aaenoN meiN har taraf jo khayaal hey ik saja huwa
[QUOTE]
*Originally posted by Amal: *
Merey aaenoN meiN har taraf jo khayaal hey ik saja huwa
wohi aek aks lateef sa meri zindagi pe hey parra huwa
jesey aarzu ke mosamoN meiN ja-ba-ja hoN gul khileiN
jesey zindagi ka gulsitaaN ho khushbuoN sey bhara huwa
mujhey kehkashaaN ki talab nahi meiN jugnuoN ka karooN ga kya
teri chaahatoN ka chaand jo hey meri khirrkiyoN pe kharra huwa
koi roshni ki rida leeye merey saath rehta hey har gharri
yehi aek dhoka wisaal ka mujhey khalwatoN meiN sada huwa
jis roz sey teri inaayateiN meri haalatoN ko naseeb hueiN
usi roz sey yahaN har shakhs hey heiratoN meiN parra huwa
jesey mannatoN ke par lagaeiN duwaeiN aasmaN pe urrti jaaeiN
jesey hasratoN ki jheel meiN ho kaNwal aarzu ka khila hwua
ye wafa-gari ki rivaayateiN heiN zindagi ki alaamateiN
jesey khuwaahishoN ka libaas ho barri mohabbatoN sey sila huwa!
By: Amal
[/QUOTE]
Aik aur khoobsurat Tahreer :-)
