Mile kisi se nazar to samjho ghazal hui
*mile kisi se nazar to samjho ghazal hui
rahe apni khabar to samjho ghazal hui
milaa ke nazaron ko vo hayaa se phir
jhukaa le koi nazar to samjho ghazal hui
idhar machal kar unhen pukaare junoon meraa
bhadak uthe dil udhar to samjho ghazal hui
udaas bistar ki silvaten jab tumhen chubhen
na so sako raat bhar to samjho ghazal hui
vo badgumaan ho to sher soojhe na shaayari
vo meharbaan ho 'Zafar' to samjho ghazal hui
*