Mein Nay Soocha Tha....................

[Amal]

Re: Mein Nay Soocha Tha…

@soniaa_jee

Main ne socha tha teri aankh ki gahrayee mein
Bhool kar gardish - e - aiyaam ko kho jaoon ga
JAb satayegi mujhe dhoop ghamon ki aa kar
Teri zulfon ki ghani hasee chhaon men sou jaoonga
Main ne socha tha haseen reshmi aanchal pe tere
Ashk mere chamak utthen ge sitare ban kar
Bahr - e - gham men jo kabhi doobne lag jaoonga
Dast - e - rangeen chaley ayen gay kinare ban kar
Main ne socha tha takhaiyul pe tu hi tu ho gi
Tu hi afsane ka unwan, tu hi mazmoon-e-ghazal
Saya-e-zulf jahan par bhi parega tera
Main banaoon ga wahan ek haseen Taj Mahal
Main ne socha tha ki aa jayenge jab tere qadam
Mere aangan mein utar aayega khud jaise qamar
Bhool jaoonga koi shay hai shab-e-furqat bhi
Tere jalwon se rahegi hama auqat sahar
Main ne socha tha tere qurb ki daulat pa kar
Apne ghar, apne muqaddar pe main itraoonga
Kya khabar thi tu kisi aur ki ho jaye gi
Aur main khwab sajata hua rah jaoon ga
Ab yeh socha hai na dekhen gay khwab kabhi
Kyun kay har khwab ki taabeer kahan hoti hai
Jis ko chaha hai dil - o - jaan se wohi mil jaye
Aisi har shakhs ki taqdeer kahan hoti ha

soniaa_jee bohat khoobsoorat aur dard-bhari nazm hey :k: Hamaarey saath share karne ke leeye shukriya