Re: Mehboob aur Maseehai - Your View
Yes Muhabbat Kam hone wali cheez nahin hai. As Amjad Islam Amjad says:
Muhabbat aisa darya hai ke
Barish rooth bhi jae to
Pani kam nahin hota
Per muhabbat main taghayar (tabdeeli) zaroor aati hai. Tabhi to Faiz Saheb ne kaha tha:
Mujhse pehli si muhabbat mere mehboob na maang.
Re: Mehboob aur Maseehai - Your View
magar Faiz ney shaayad mehboob ke rooth janay ke baad kaha thaa, agar mehboob samnay ho aur acha bhi ho to tabiyat theek ho jaati hai
Re: Mehboob aur Maseehai - Your View
Mere khayal se Iss Nazm main Faiz ne mehboob ke roothne ka shikwa nahin kia.. balke halaat ke badalne ka rona roya hai..
*Laut jaati hai udhar ko bhi nazar kya ki jiye
Ab bhi dilkash hai tera husn mager kya ki jiye
Aur bhi dukh hain zamane main mohabbat ke siwa
Rahatein aur bhi hain wasl ki raahat ke siwa
*
Mere khayal se Waqt ke sath cheezen aur cheezon ko dekhne ka nazriya badal jata hai
Re: Mehboob aur Maseehai - Your View
bilkul sahi hai waqt ke saath nazriya zaroor badalta hai nakaam aashiqon kaa nafrat ki taraf aur kaamyaaab logo kaa mohabbat ki taraf.
Re: Mehboob aur Maseehai - Your View
^ :k: Very well said. per kia Muhabbat main kamyabi ya nakami kisi ke bus main hoti hai?
Re: Mehboob aur Maseehai - Your View
Agar maut naa aaye to yaqeenan koshish ki jaa sakti hai muhabbat ko paanay ki
Re: Mehboob aur Maseehai - Your View
Per maut ke siwa bhi aur sabab ho sakte hain nakami ke. Jaise agar aap kisi ghalat darwaze pe dastak de den, jaise baqol Kaleem Usmani:
Bewafaon se wafa karke guzaari hai hayaat
Main barasta raha veerano pe badal ki tarah
Kabhi aisa bhi to hota hai ke hamare jazbe main koi kami nahin hoti aur samne wala pathar nikalta hai.. Jisko dekhne se chehre pe ronaq aae, agar wo kahin aur mubtala ho tau?